Поранешниот ЦЕО на Си-ен-ен, Џеф Закер, им наредил на вработените да не ја обработуваат теоријата за протекување на ковид од лабораторијата во Вухан, затоа што тоа бил еден од ставовите ширени од тогашниот американски претседател Доналд Трамп.

На ниту едно место во Украина до сега не загинаа толку војници и на ниту едно место Русите не се толку упорни со својата „мелница за месо“ тактика и ниту едно друго место не предизвика толку внатрешни дебати во Украина како Бахмут. Германски Билд тврди дека ова го зафати и највисокиот врв на Украина, претседателот на земјата и првиот човек на генералштабот.

Снимки како украински војници го напуштаат Бахмут станаа пречести на интернет, а украинската војска веќе ги уништи и последните мостови во градот кои служеа за нејзино снабдување и траса за брз излез од таму. 

Британски Телеграф дојде до огромен број WhatsUp пораки разменети меѓу министри и државни службеници. Во главната улога е некогашниот државен секретар за здравство, Мет Хенкок, кој планирал со кампања „да се пушти“ нова варијанта на ковид, за да ѝ се стресат гаќите на јавноста.

Поддршката на американската јавност за снабдувањето на Украина со секаков вид на американска помош е во константен пад и веќе не е сигурно до кога САД ќе може да продолжи со помошта во досегашниот обем.

После оружје и пари, трето на списокот на желби на сите противници на руската инвазија во Украина е - Путин во Хаг. Истото го бара и Зеленски како услов за примирје со Русија, како и германската министерка за надворешни работи. Процената на Економист е дека тоа нема да го дочекаат.

Контроверзниот план на данската влада да се укине државното празнување на еден верски празник кој се одбележува со векови, беше повод за едни од ретките масовни демонстрации (50.000 народ) во земјата во која обично владее консензус по битните прашања. Сепак го донесоа. Во името на Украина, Русија и светиот НАТО.

Британската Национална електрична мрежа минатата година платила 215 милиони фунти за да се изгасат ветерниците на северот од земјата затоа што произвеле премногу струја која мрежата не може да ја истрпи.

Фабрики за оружје од Бугарија кои заради ним познати причини и 30 години по распадот на СССР се уште имаат советска машинерија повторно ги враќаат во погон своите стари фабрички ленти од кои излегува нова советска муниција за старото советското оружје што го поседува Украина.

Малку-малку па официјален Вашингтон ќе го поткачи Пекинг, чисто светот да се потсети на која релација ќе биде главната глобална теревенка. Темата не е битна, некогаш тоа се човековите права, некогаш трговски цаки, некогаш клима.... Најперверзно е кога САД ќе ја обвинат Кина за некакви воени замешателства.

Откако парламентарната дебата околу клучните пензиски реформи почнаа да ја тераат на пијано, па тоа веднаш се претвори во бараж на навреди и изливи на емоции, Франција е на памет дека народните пратеници можеби треба да бидат трезни бар додека се во парламентот.

Пекинг и Москва моментално преговараат околу купување на 100 ударни дронови кои би можеле да и бидат испорачани на Русија веќе во април, пишува германски Шпигел.

Во месеците по инвазијата, во редиците за регрутација во Украина „вриеше“ народ спремен да си ја брани државата. Економист пишува дека војската сега мора да регрутира од далеку понеентузијастични Украинци. Позиви за во војска се делат по погреби и шопинг молови, па по социјални мрежи се споделуваат предупредувања за тоа.

Една година од почетокот на војната човечките загуби што ги претрпува Украина се видливи и присутни во секој украински град или село, меѓутоа и покрај тоа Киев одбива да ја открие вистинската цена во човечки животи за спротивставување на Путин.

Рускиот претседател на крај ќе биде елиминиран од луѓе од својот најтесен круг, верува неговиот колега од Украина, Владимир Зеленски.

Војната во Украина наполни една година. Некои кругови во Москва се надеваа дека лесно ќе се прошета до Киев а кругови во Вашингтон и Брисел беа убедени дека ригорозните санкции ќе ја клекнат Москва на колена. Ни Русите извојуваа воена победа, ни Запад ги постигна своите цели на економскиот фронт.

За поранешниот руски претседател Русија е неизбежен победник во војната во Украина, ако треба и со стигнување до границата на Полска, па и понатаму.

Кина ја обезбедува технологијата што на руската армија и е неопходна да ја води војната во Украина и покрај меѓународниот кордон на санкции и контрола на извоз, тврди Вол стрит журнал откако прегледува документи од руската царина.

Полицијата на Арканзас заклучи дека еден од највисоките советници на Бил Клинтон, Марк Мидлтон, кој беше најден мртов обесен на дрво и застрелан во градите - извршил самоубиство. Мидлтон е еден од луѓето на Клинтон кој се поврзува со Џефри Епстеин.

Во 2021 Еквадор има запленето 210 тони кокаин, што е доволна количина за да престанат да размислуваат за негово палење, туку да го измешаат со цемент и да го користат за бетонирање каде што ќе затреба.

До сега помалку од половина од финансиската помош што Западот и ја вети на Украина од почетокот на војната има стигнато во Киев, пресметуваат западни аналитичари.

Над 150 канали во Венеција се пресушени, сосе гондолите заглавени на дното, откако изминатиов период градот е погоден од ретко забележана осека на околното море.

Фразата што ја користи американскиот генерал Глен Ванхерк, командантот на НОРАД, за тоа како на цела таа грдна одбрана и технологија им се протна кинескиот балон е „процеп во подрачната свесност“, што според колумнистот на Блумберг, Ниал Фергусон, е совршен пример на пентагонски јазик.

Основачот на Вагнер групата обвини неименувани руски воени функционери дека одбиваат да им испорачаат на борците на Вагнер доволно муниција како последица на ривалството меѓу него и дел од руската елита.