Дефицитот на САД, кој претседателот Трамп сака да го израмни со кревање на тарифите и објавување трговска војна на светот, би исчезнал ако американската администрација реши правилно да го класифицира поседувањето на доларите во странство.
Доларите се главниот производ што Америка го извезува во замена за стоките и услугите што ги увезува, објаснува економистот Доналд Џеј Будро, професор на Универзитетот Џорџ Мејсон.
Без овој притаен извоз на долари, би било невозможно да зајакнат економијата на САД, богатството на домаќинствата, реалниот БДП по жител и американскиот индустриски капацитет по половина век непрекинат трговски дефицит.
Кога странци чуваат американски долари, не ги користат за купување американски извоз. Во сметководството на платниот биланс овие долари се класифицирани како странски инвестиции во Америка. Сопствениците на долари во странство очекуваат зголемување на нивната вредност во однос на другите валути. Подеднакво разумно е доларите да се сметаат и како извоз на САД.
Странците ја снабдуваат Америка со големи количини текстил, челик и други стоки и услуги со компаративна предност во замена за услугата што Америка им ја дава со корисна валута. Извозот на доларите е важна за глобалната трговија, исто како производството на хемикалии, информатичка технологија или кое било друго добро или услуга, пишува професорот Будро за порталот The Daily Economy.
Сигурната валута во основа не е различна од другите вредности купени од странство, како туризам, образование, медицинска нега и инвестициски совети. Американската економија е голема и успешна, има софистицирани финансиски пазари, поради што поседувањето долари им обезбедува на странците сигурна куповна моќ. Затоа доларот е доминантна глобална резервна валута и сочинува 53% од официјалните девизни резерви.
