Полска стана неизбежен фактор за редефинирање на рамнотежата на силите во Европа. Нејзиниот економски раст ја профилираше како една од клучните земји на континентот а со рекордните инвестиции во вооружување, станува и важна воена сила, главна НАТО поткрепа на истокот.
Оваа година Полска ќе потроши 4,12% од својот БДП за одбрана, што е двојно повеќе од насоките на НАТО од 2%. Има дадено околу 37 милијарди долари за одбрана. Лани потроши исто така импресивни 3,92% од БДП за одбрана. Полскиот буџет за 2025 година ќе вклучи уште еден рекорден трошок - 43,6 милијарди евра, најави премиерот Доналд Туск.
European Security & Defence пишува дека полските оружени сили бројат 198.000 војници, вклучувајќи 130.000 професионалци. Имаат борбени авиони, 612 тенкови и 45 воени бродови. Минатата власт планираше војската да ја качи на 300.000.
Само оваа година имаат потпишано 150 договори за наоружување: борбени авиони (F-35A и FA-50), оклопни возила, тенкови, хеликоптери (Апачи), хаубици и противракетни системи, главно од САД и Јужна Kореја.
