Економската активност на Аргентина во јануари била поголема за 6,5% во споредба со истиот месец минатата година, што е нејзин највисок раст на годишно ниво од средината на 2022 година, покажуваат официјалните податоци.
Аргентинската економија го забележа третиот последователен месец на раст, забрзувајќи го своето растечко темпо во однос на експанзијата од 6 отсто на годишно.
Аналитичарите претходно анкетирани од Ројтерс на земјата ѝ предвидуваа раст од 4,7 отсто.
Ова се сигнали за пресврт во економијата која беше на колена откако Милеи наметна ригорозни мерки на штедење кои беа проследени со социјални немири.
Помеѓу 10-те економски сектори кои забележуваат позитива во јануари, главни двигатели на националниот економски раст биле финансиското посредување, заедно со трговијата на големо, мало и поправките.
Милеи и неговиот економски тим сепак стравуваат од девалуација па заради тоа побарале 20 милијарди долари заем од ММФ како поддршка на домашната валута. Очекуваат голем дел од заемот да им биде исплатен однапред.
Тој земјата ја наследи со хронична инфлација од речиси 150%, огромен структурен долг и 40% сиромашни граѓани.
