М варијантата на Ка-52 наводно е развиена со дополнителните искуства од војната во Сирија. Тврдењето е дека таа има модернизирана електро-оптичка купола за нишанење, наредни комуникации и можност за носење на нови проектили, вклучително и озлогласениот ЛМУР (Лесна повеќенаменска наведувана ракета).
ЛМУР има домет од околу 15 километри, што на екипажите на Ка-52 им дозволува да стрелаат вон дометот на украинската воздушна одбрана. Претходно хеликоптерите можеа да товарат само Вихр и АТАКА анти-тенковски проектили кои беа ласерски наведувани и имаа домет од 10 и 6 километри. Плус за овие ракети е потребно метата да биде во видно поле.
Ваквите перформанси се карактеристични за хеликоптерите на двете страни, заради што тие и немаа некоја голема улога во досегашната војна.
За разлика од ласерски наведуваните, ЛМУР користи комбинација на термална камера и сателитска навигација. Во директен оган, операторот користејќи термален сензор ја закачува ракетата на метата и пука (нешто слично како што функционира американски џавелин). За подолг домет, операторот може да ја лансира ракетата кон мета што не му е во видно поле и да ја испрати кон конкретни координати, а потоа да го искористи термо-сензорот за да се закачи на метата.
Во војната проектилот прв пат беше искористен во јуни минатата година, но тогаш беше лансиран од Ми-28 и главно се користеше за рушење објекти. До почетокот на војната ЛМУР се врзува со Ка-52М со што ја добива својата намена како анти-тенковски проектил.
Аналитичарот на Форбс проценува дека проблемот со Ка-52 Украинците ќе можат да го решат само со плус Патриот системи или со Ф-16ки.
