„Првата дама и јас денеска испаднавме позитивни на коронавирус. Одиме во карантин веднаш. Ќе го пребродиме ова заедно,“ објави Доналд Трамп на неговиот главен комуникациски канал, Твитер.
Оваа дијагноза е најсериозната здравствена закана за некој актуелен американски претстедател којзнае колку време наназад, со оглед на тоа дека 74 годишниот Трамп влегува во најризичните групи на ковид-19.
Карантинот беше најавен и пред објавување на резултатите од тестот поради тоа што позитивна на коронавирус испадна една од најблиските соработнички на Трамп, Хоуп Хикс. Таа е експерт за комуникации и ПР советник и патуваше со Трамп на неколку последни предизборни настани. Хикс истовремено важи за близок семеен пријател на Трампови, особено со Иванка и Џеред Кушнер. Се претпоставуваа дека таа го има закачено вирусот од некој поддржувач на митинзите на Трамп.
Според насоките на американскиот центар за заразни болести и превенција, на Доналд и Меланија им следува 14 дневен карантин.
Берзата веднаш реагираше со негативен тренд а сите импликации од оваа вест допрва ќе се сумираат.
