Вести › Набрзинка

Одборот на Трамп има нов план за Газа, ама нема пари

23 септември 2026

Одборот за мир на Доналд Трамп денеска ќе претстави шестмесечен план за обнова на Газа, во кој се предвидени 66 проекти во вкупна вредност од 2,45 милијарди долари.
За инфраструктура се планирани 1 милијарда долари: 400 милиони за привремени засолништа, 275 милиони за расчистување урнатини и неексплодирана муниција, 50 милиони долари за санација на болници и 30 милиони за обнова на патната мрежа, за дигитални документи и плаќања, за преносни сончеви колектори...
За безбедноста се издвоени 885 милиони долари: за изградба на база на Меѓународните сили за стабилизација во Рафах и за обука и опремување на нејзиниот контингент од 5.000 припадници, како и за мобилизирање нови палестински полициски сили.
Планот ја проценува материјалната штета во Газа на 35,2 милијарди долари и наведува дека за целосна реконструкција ќе бидат потребни 71,4 милијарди долари во следната деценија.
Планот звучи амбициозно, ама е далеку од реалната ситуација. Одборот за мир, во кој членуваат 35 земји, се уште ги нема обезбедено потребните 2,45 милијарди долари. Спроведувањето на проектите зависат од Хамас – кој одбива да се разоружи - и од составот на идната влада на Израел по изборите на 27 октомври. Премиерот Нетанјаху начелно прифаќа меѓународни сили во Газа, но неговите потенцијални партнери се категорично против.

извор

Нетанјаху сакал да војува и против хутите во Јемен

13 октомври 2026

Саудискиот престолонаследник Мохамад бин Салман ја одбил понудата од Бенјамин Нетанјаху израелските сили да се вклучат во војната против бутновничките хути во Јемен.
Целта на понудата од Нетанјаху, според извори на „Хаарец“ била ги зајакне врските со Саудиска Арабија заради нормализација на односите помеѓу двете земји.
Главниот услов на Ријад за воспоставување официјални односи е Израел да им дозволи на Палестинците да имаат своја држава.
Хутите во изминатата недела извршија четири напади врз меѓународниот аеродром во Ријад, при што загинаа 18 луѓе и повеќе од 300 беа ранети. Немало ниту една звучна тревога за воздушна опасност. Сирените биле исклучени затоа што граѓаните се жалеле дека ги будат од спиење.

извор

Гети имиџес пред стечај поради ВИ

13 октомври 2026

Компанијата Getty Images ќе поднесе барање за стечај за да се реструктуира во приватна компанија и да го избрише долгот од 2,1 милијарда долари, предизвикан од појавата на алатките со ВИ за генерирање слики.
Членовите на семејството Гети и инвестициската фирма Koch ќе вложат 533 милиони долари нов капитал за да ја преземат целосната сопственост.
Њујоршката берза веќе почна процедура за бришење на Getty од листинзите, бидејќи вредноста на акциите падна за над 99%.
Финансискиот ресет доаѓа по низа кризи, вклучувајќи го и пропаднатото спојување со конкурентот Shutterstock вредно 3,7 милијарди долари.
Покрај Getty, и Shutterstock и Adobe Stock ги чувствуваат последиците од сликите и видеата генерирани со ВИ, кои ја заменуваат набавката на содржини и да вршат притисок врз цените за лиценцирање.

извор