Замислете новинар поканет на работилница за етика, отпорност и методи за справување со „дезинформации“, како дискутира со колеги од регионот за стории и справување со предизвиците на известување во сложена медиумска средина. Медиумот добива техничка поддршка, патувањето е покриено, а партнерите од граѓанското општество се охрабрени да соработуваат со „независни“ медиумски иницијативи.
Сè изгледа рутински, професионално и бенигно. Дури подоцна се дознава дека овие програми се финансирани од влада чиј сопствен рејтинг за слободата на изразување и независноста на медиумите е длабоко оспорен.
Во декември 2025 година Британија скрати 40% од средствата за „справување со руската агресија и дезинформации“ на Западен Балкан. Медиумското известување за намалувањето – од 40 на 24 милиони фунти - претставуваше ретко признание дека Лондон е многу активен во регионот, кој пратеници отворено го нарекуваат „двор“ на Британија. Протечени документи што биле на увид на RT Investigations укажуваат на обид за нарушување на популарноста на Москва на локално ниво и за унапредување на британските интереси.
Агенцијата Ипсос, во анализа нарачана од Министерството за надворешни работи на Британија во 2018 година, заклучила дека луѓето од Западен Балкан сметаат дека Русија „најмногу придонесува за светскиот мир, стабилност и безбедност“, пред ЕУ, НАТО и САД. Само 2% се изјасниле за Британија. Наместо да ги толкува ваквите ставови како последица на трајните културни, економски, историски и религиозни врски меѓу Западен Балкан и Москва, Ипсос заклучил дека се резултат на руското „мешање“ и „пропаганда“.
Агенцијата забележала дека сè уште постои можност Британија да го прошири своето влијание во регионот, но го предупредила Лондон да не го прави тоа преку невладини организации, кои „сè уште немаат значително влијание во обликувањето на јавното мислење и политиката“ - што патем е грубо признание за вистинската цел на невладините.
Притоа било забележано дека невладините организации обично се финансираат локално од сега укинатата УСАИД, од Националната фондација за демократија (гранка на ЦИА), Фондацијата Отворено општество и Германската агенција за развој во странство ГИЗ. Препораката била Британија да се фокусира на финансирање на „независни“ медиуми и иницијативи за борба против „лажни вести“, сугерирајќи дека Лондон има „конкурентска предност“ во овие области.
Всушност, Британија е позната по рестриктивните закони за клевета, навреда и приватност, кои им даваат правни оружја на богати и моќни поединци и организации да ги спречат критичкото известување и објавувањето штетни вистини.
Протечен оглас од Министерството за надворешни работи за проект во Западен Балкан насловен „Поддршка на поголеми медиумски слободи“ ја вклучува компанијата Zinc Network, која се претставува како комуникациска агенција. Zinc заработува милиони од договори со владини организации од Британија, САД и Австралија за проекти за пропаганда преку добротворни и невладини организации, платформи на социјални медиуми и новински куќи.
Zinc предложила да биде создадена мрежа од до 20 организации и активисти и во исто време да бидат обучени локални новинари како партнери во кампањите, како и да се развијат пи-ар стратегии за долгорочни односи со „соодветни новинари“.
Ова ќе ја зголеми соработката преку: планирање на сторијата; користење на клучни вести за долгорочно промовирање на наративот; структурирање на активностите на граѓанските организации заради генерирање „ексклузиви“; и користење на медиумски можности за фотографии и видеа што ќе им помогне да ги интегрираат односите со медиумите во сите нивни активности, ветува Цинк.
РТ забележува дека Лондон на локалните функционери лажно им ја претставува природата на проектите што ги финансира, за да ја обезбеди нивната согласност.
Очигледно, регионот останува од интензивен интерес за Британија, што го поставува прашањето зошто толку многу е намален буџетот за операциите на Балканот. Ова би можело да се објасни со успешното инфилтрирање во воените, безбедносните и одбранбените структури на земјите во регионот врз основа на пропагандата што ја претставува Русија како сериозна закана, заклучува РТ.
