Изјавата следува само еден ден откако американските разузнавачи објавија извештај според кој Путин наредил операции за мешање во американските избори на штета на Бајден, а во корист на тогашниот претседател Доналд Трамп. Истите овие луѓе, истото ова го тврдеа и за изборите 2016.
Бајден објаснил дека имал „долг разговор“ со рускиот лидер, во кој наводно Бајден му рекол „те знам и ти ме знаеш, ако утврдам дека ова навистина се случило, тогаш биди подготовен.“
На прашање од водителот дали смета дека Путин е „убиец“, Бајден потврдно одговорил.
Американскиот претседател изјавил дека во минатите разговори со Путин му рекол „те имам погледнато во очи и мислам дека немаш душа“. Ова е рефернца на една изјава на Џорџ Буш од 2001, кој изјавува дека го погледнал Путин во очи и „успеал да види траг од неговата душа“.
Бајден дополнил дека сепак е можно „да и одиш и да џвакаш мастика во исто време за оние работи за кои е во наш обостран интерес да работиме заедно“. Ова се однесува на продолжувањето на пактот за нуклеарно вооружување.
