Продавници, казина, берберници, мртовечници, дури и приватни домови. Ѕирнете на кои сè места Американците имаат можност да гласаат.

Вест: Маж за време на срцев удар решава да си ја олесни душата пред овој свет и пред да умре признава убиство што го направил пред 17 години. Карма: останува жив.

Пред 13 години Золтан Дани за малку ќе го убиеше Дејл Зелко. Пред неколку години се запознаа. Денес си одат по гости. Мало појаснување: Дејл е пилотот кој леташе со стелтот Ф-117 над Србија, Золтан е полковникот кој командуваше со противавионскиот ракетен систем што го собори невидливиот авион.

По 15 години пауза од трчање, Дин Карнзес на својот 30. роденден се опива, излегува низ задната врата на барот и пеш оди до својата куќа. Во едно ќоше од тремот, ги догледува своите стари патики. Ги облекува, облекува маичка и почнува да трча. Се отрезнува, во соседниот град, 24 километри појужно.

Британците некако имаат пресметано дека во текот на историјата успеале да освојат 90% од државите во светот. Да, вклучително и нас.

Моментално во мрежата на подземни тунели на Њујорк има околу 400 милиони галони вода (1,5 милијарди литри). Од нив ниту капка не треба да биде таму. Американската армија треба некако да ја среди оваа разлика.

Списокот на магазинот Тајм за изумите по кои треба да се памети 2012-та има сè, од патики на Најк до облаци за внатре, подвижна фарма за риби и Кјуриосити. Плус уште 20-тина работи.

Германија има проблем кој никој не би помислил дека баш таа земја може да го има. "Локомотивата" на Европа, не е сосема сигурна колку злато поседува.

Решавањето на проблемот со пушење во затворено, им отвори нов проблем на властите на Париз - поплава од пикавци по улиците и тротоарите.

Пред една година Сушил Кумар беше државен службеник во индиската сојузна држава Бихар, тогаш го избраа за учество на Кој сака да биде милионер и освои 1 милион долари, пари за кои на старата работа ќе му требаа 800 години за да ги заработи.

Започнувањето со готвење на храната е една од причините за наглото зголемување на мозокот на луѓето кое се случило пред 1,8 милиони години.

Должината на животниот век на човековиот род еволуирал во најголем дел заради тоа што бабите биле тука за да се грижат за помладите.

По дефиниција убавите имаат тенденција да бидат конформисти, заради што грдите од старт имаат предност кога е во прашање забавата.

Иако Кјуриосити само два месеца е на Марс, од НАСА веќе почнаа да размислуваат како да си го вратат дома возилото од 2,5 милијарди долари. Време за испорака - во текот на овој век. Најверојатно.

Во изминатите неколку недели 20-годишна Бразилка ја нудеше својата девственост на аукција. Сето ова заврши кога еден Јапонец дозна за целата работа.

Премиер лигата е претворена во таков глобален спектакл, што само минатата година туристите потрошиле 1,1 милијарда долари на натпреварите од англиското првенство.

3.000 добитници на џек-потот на британската лотарија се сложни - на човек со нови пари му треба нов автомобил, нова куќа и џакузи.

Ние не сме единствените Tалибанци на европско тло па на Прометеј што дополнително му монтиравме гаќа. Изложба во Виена која го следи неколкувековното проклетство на машката голотија во западната уметност и самата предизвика ужаснатост кај тамошните пуританци.

Роуан Аткинсон започна масовна кампања кој има за цел еднаш за секогаш да ги измени законите кои забрануваат "навредливи зборови и однесување".

Кога Кајл Леогранде беше уапсен за допинг во 2008, тој не ни сонувал дека тоа ќе доведе до падот на најпрославениот велосипедист во историјата.

Не е дека вие имате некој посебно силен родителски инстинкт, туку работата е што нивното плачење активира некои прилично примитивни делови од вашиот мозок што не можете да ги игнорирате.

Спонзорството за подвигот на Феликс го чинеше Ред Бул околу 50 милиони долари, на што компанијата имаше ќар од околу 12.000%.

Yellow Pages до тој степен стана неинтересен за публиката, што сега мора да се вади на американскиот устав за воопшто да може да се појави пред Американците.

Вонсериски лудиот Феликс Баумгартнер успеа во својата намера да се фрли од керамидите на вселената, притоа да го пробие звучниот ѕид и на крај да слета на нозе во пустината Ново Мексико. Ако понеделнички имате дилема дали за нешто што ви е битно вреди конечно да го направите првиот чекор, ѕирнете како изгледа тоа кога пред себе се има бездна од 39 километри.