„Часовникот на судниот ден“ останува на 100 секунди до фајронт, позиција на која се наоѓа од 2020 година. Организацијата Bulletin of the Atomic Scientists во чие управување е часовникот така реши во јануари годинава, пред започнување на војната, така потврдија и деновиве, во март.
За контраст, за време на мандатот на Трамп, часовникот трипати се приближуваше кон апокалипсата и тоа беше објаснувано со нуклеарна опасност (заради раскинување на договорот со Иран) но и со климатските промени па дури и со опасноста од фејкњуз.
Денес, ете, времето е стабилно.
Во 2017, кога се приближи на две ипол минути до полноќ, Вашингтот пост тоа го пренесе со објаснување „благодарејќи на Трамп“.
Часовникот на апокалипсата функционира од 1947 година и претставува симболично предупредување дека можеби планетава ќе остане, но не и ние со неа. Еден од основачите на Булетинот на атомски научлници е и Алберт Ајнштајн.
Досега најголема утка им беше што часовникот воопшто не ја регистрираше големата кубанска ракетна криза во 1962 година, кога Москва и Вашингтон беа најблиску да се спукаат со нуклеарки. После објаснуваа дека не знаеле што точно се случува.
Последен пат кога часовникот малку олабави и нè оддалечи од апокалипсата беше во 2010 година. Во времето на Обама.
