Најдобро време за продавање фирма е кога не треба

Во 2014 година, Џастин Кан му ја продаде на Амазон својата стриминг платформа за гејмери Твич за 970 милиони долари. Неколку години подоцна, пред да ја основа новата фирма Атриум, издаде книга за тоа како најуспешно се продаваат стартапи.

На самиот почеток Кан го дава својот главен совет:

„Најдобар момент за продавање на компанијата е кога не сакаш и немаш потреба да ја продаваш.“

Со други зборови, успешни стартапи најдобро се продаваат кога им оди добро. Тогаш сопственикот е во најдобра преговарачка позиција. Не е под притисок да дојде до пари а е во ситуација да ја максимизира цената бидејќи постојат и други потенцијални купувачи.

На пример, за Твич тој прво преговарал со Гугл и Јаху пред да постигне најдобра цена и услови со Амазон.

„Кога остануваш без пари а компанијата не расте. очаен си да ја продадеш фирмата и немаш никаква преговарачка предност“, вели тој.

Според едно истражување на 1.377 американски стартапи, на половина од нив среднорочна цел им е да се продадат. Но има и такви (15%) кои не знаат што им е целта.

4 декември 2019 - 11:35