Нови ограничувања за влез во Хрватска: До 2 кутии цигари по лице
3 јуни 2026
- Хрватска од 1 јуни воведе нови ограничувања за внесување на производи и храна за патници од земји од регионот што не се членки на ЕУ, вклучувајќи ја и Македонија.
- Ослободена од царински давачки, ДДВ и акцизи е стока од некомерцијална природа: до 430 евра на аеродроми и пристаништа, до 300 евра на патни и железнички гранични премини. За патници под 15 години до 150 евра.
- Во патниот и железничкиот транспорт дозволено е внесување: 40 цигари или еквивалентни количини на други тутунски производи, 1 литар алкохолен пијалок со над 22% алкохол, 4 литри вино и 16 литри пиво. Ослободувањата за тутунски и алкохолни производи не важат за лица под 17 години.
- Не е дозволено внесување месо, млеко и нивни производи, но може да се внесе до 20 килограми риба по лице, до 2 килограми мед, јајца и други производи од животинско потекло, до 2 килограми храна за бебиња, медицинска храна и специјална храна за домашни миленици. Леб, бисквити, чоколадо, тестенини, додатоци во исхраната и слични производи за лична употреба може да се внесат ако ги исполнуваат пропишаните услови.
- Непријавените или нелегалните производи од животинско потекло се конфискуваат и уништуваат, а патникот може да биде парично казнет.
