И Данска сака трето дете

Данска е земја чии жители имаат многу причини за среќа. Но не дека земјата нема проблеми. Еден од ретките е оној општиот европски, кој го делиме и ние: наталитетот и фактот дека континентот старее бидејќи се раѓаат сè помалку деца. Значи, си имаме исто гајле, само што наместо грижа на совест за иднината на нацијата, нивната кампања мава на секс.

"Направи го тоа за Данска" е слоганот на кампањата за зголемување на наталитетот која ја покрена данската компанија Spies коај се фокусира на еден од ретките проблеми кои ги има Данска - наталитетот.

Другото им е до толку добро што според глобалниот индекс на среќа на Обединетите Нации, таа е најсреќната земја на светот.

Економија и пари (211 милијарди долари БДП на 5,6 милиони население), здравство, образование, социјални права, екологија, родова и друга рамноправност.... сè е подмачкано.

Е, ама деца нема. Стапката на наталитет им е една од пониските во Европа. Се раѓаат 10 деца на 1.000 жители што е најниско ниво во земјата во последните 27 години.

Како се решава тоа? Иако се многу напред, на таа тема уште се на наше ниво - со секс. Дополнително, утврдиле дека Данците имаат 46 проценти повеќе секс кога се на некое патување.

И еве го решението - зачнете додека сте на одмор и добивате три годишни залили на пелени и бесплатно патување кое ќе му годи на вашето дете.

Раскажана во видео, оваа феноменална кампања изгледа вака:

28 март 2014 - 12:06