Толку е ужасно претставена шизофренијата во социјалната култура, што сме дојдени до степен и како навреда да го користиме зборот. А реалноста е дека постојат луѓе, често блиску до нас што секојдневно се борат со сопствени демони, и не, не се сите филмски сериски убијци.

Како што човек старее и зрее, така би требало да созрева и начинот на којшто тој формира и одржува романтични врски. Но кај некои луѓе чувството на интензивно заљубување никогаш не престанува. И тоа не е толку романтично колку што звучи.

Славниот филм на Клинт Иствуд е најновиот кој е синхронизиран на јазикот на народот Навахо, после „Војна на ѕвездите“ и „Барајќи го Немо“.

Да, добро прочитавте - глувчешки утопии. Експерименти во кои им било давано неограничено количество храна и вода, па дури и интимни „апартмани“. Сето ова за проучување на ефектите на густината на населението врз однесувањето. 

И во револуционерните 1960-ти, герилецот Каунда шетал наоколу со точак и гитара. Често знаел политичките пораки да ги вметне во песни. Сега е пронајден албум од 2005, со кој се обидувал да ги образува младите во врска со ХИВ.

Колет Маз свири пијано од петгодишна возраст. Сега има 107 и тукушто го издаде својот шести албум. Кога била мала родителите не ѝ дозволувале многу-многу да вежба, за случајно да не стане професионална пијанистка.

Од тоа кога некој го пее зборот „ниско“ во низок тоналитет, до посуптилни aсоцијации кои се разбирливи само ако се знае малку музичка теорија, ова е интересна техника која е почеста отколку што се очекува.

Со над 25.000 верзии, „Самертајм“ е најпреработуваната песна на светот. Напишана во 1934, таа е всушност оперска арија.

„Мојот братучед“ е нем филм од 1918 во кој глуми славниот италијански тенор. Но сега, еден век по неговата смрт, тој со помош на современата технологија е синхронизиран со звук, со што прв пат се добива аудио-визуелен документ за тоа како изгледал и звучел Карузо.

Денес, особено во текот на пандемијата, стана некако нормално да имаме мрачни, дистописки мисли за иднината. За 1960-тите вообичаено се мисли дека биле ера на оптимизам, особено во технологијата и сеопштиот прогрес. Но и тогаш имало визионери.

Веројатно сте чуле за неа. Теоријата за тоа како излегуваме на крај со најдлабоките таги вели дека тоа подразбира минување низ пет фази: одрекување, лутина, ценкање, депресија и прифаќање. Но во својата оригинална форма таа не се однесувала на соочување со смрт на близок, туку на сопствената терминална дијагноза.

„Прв контакт“ е австралиски документарец од 1983, кој раскажува за навлегувањето на белите луѓе во неистражената внатрешност на Нова Гвинеја во 1930, каде живееле еден милион луѓе кои никогаш не виделе различни од нив. На моменти тој е пресмешен, на други трогателен.

Секој кој присуствувал на аматерски (и не само на такви) балетски претстави каде се случиле некакви грешки, ги забележал: доцнењата, сопнувањата, несинхронизираноста, па дури и паѓањата. Сите тие овој пат се намерно вградени во смешна кореографија под име „Концерт: опасноста од сите“.

Како и голем број други мудрости од мрачниот среден век, и оние кои се однесуваат на чување домашни животни главно не го преживеале тестот на времето.

Комбинација на поетско рецитирање и музика, „Чекори таа со убост“ е нов албум на Фејтфул во соработка со Ворен Елис, Брајан Ино и Ник Кејв. Тој е израз на нејзините животни премрежја, од кои последното беше тешката борба со Ковид-19.

Комичарот Чарли Тод е основач и „мозокот“ зад Improv Everywhere, група формирана во 2001, со цел да „изненадува и восхитува случајно одбрани луѓе преку позитивни пренкови“. Сепак, некои од нив тргнале во сосема спротивен правец.

Името требало да асоцира на глупостите кои ги трескаат политичарите, а водач на партијата бил музичар со разумно име и хит од 1980-тите.

И да знаете и да не знаете руски, доколку сте фанови на Толкин или доволно љубопитни, на јутјуб во моментов над 700.000 луѓе гледаат актуелизирана руска верзија на ЛОТР, правена во време на распад на некогашниот СССР.

Денес, кога на некоја компанија и треба повеќе простор таа се сели во поголема зграда, ја проширува постоечката или ја руши и гради нова и поголема. Но до сега не сме слушнале некој просто да ја помести онаа во која работат луѓето за да направи место за доградба.

На преминот од 19 во 20 век точаците станале полесни и поевтини. Но револуцијата на ова транспортно средство не била само технолошка - тоа овозможило поголема независност на жените, кои на две тркала почнале да зујат низ градот. На ужас на конзервативците, носејќи пантолони.

Почина од срцев удар на 2 март 1991. Претходно пушеше пет кутии Житан на ден, настапуваше пијан, плукна колешка на ТВ интервју, ѝ се пушташе на Витни Хјустон. Но ова беше само кулминација на контроверзните потези кои ги правеше цел живот. Меѓу нив и пеењето своја верзија на Марсељезата.

Стево Ченеец го удира гром, нежно, ко рака. Стариот Несторов, госпо’н Чедо и уште еден, садат липа чија сенка нема да ја дочекаат. Убавата ќерка на попот се капе во реката вознемирувајќи ги барските птици. Васа Ладачки не е со онаа која ја сака. Во авлијата, под густата крошна играат други деца. А некој од горе гледа сè.

На 30 јануари 1969, во тешка година за бендот, Битлси ненајавено изведуваат концерт на покрив во Лондон.
На 30 мај 2020, во година обележана со пандемијата, неколкумина пријатели со фамилиите и комшиите се собираат на свирка на сличен покрив во Ниш. Целиот потфат останува забележан на камера.