Денес, 2.10, беа соопштени првите добитници на Нобел во низата која вообичаено се случува во месец октомври, а која почнува со оние за физиологија или медицина. Каталин Карико и Дру Вајсман високото признание го добија за развојот на mRNA вакцините против Ковид. Животната патека на унгарско-американската биохемичарка до овој момент е навистина интересна. 

Вакцините кои биле користени за уништување на големите сипаници, и кои се користат и денес против мајмунските, се базирани на непознат вирус кој до сега никој не го идентификувал - патогенски „дух“. И покрај долгата потрага, никој не знае од каде се нашол во вакцините, ниту пак дали се уште постои во дивина.

Србија и натаму е своевидна „Мека и Медина“ за вакцини, па интерес за „пелцовање“ има не само од соседните земји, туку и од оние далеку побогатите. Замислете штом претседателот на италијанскиот прволигаш Удинезе слетал во Белград со жена му да се вакцинираат.

Пред неколку дена Њу Орлеанс Пеликанс официјално објави дека спроведува вакцинација против КОВИД-19 меѓу играчите од прв тим. Пеликанс станаа првиот НБА клуб кој реши да го вакцинира цел тим и стручен штаб. Ама....

Еден настан од пред повеќе од 60 години покажува колкав е ризикот од лошо организиран процес на вакцинација, кој овозможува секакви манипулации. Во случајов кражба на вакцини, која чинела голем број загубени животи. 

Нашиот текст за „бележењето“ од сипаници кое го вршел Коста Цепенков предизвика бројни реакции и коментари. Сепак, за нас најинтересен беше податокот кој го дознавме од проф. д-р Никола Пановски, за случај кој за чудо е недоволно познат во историјата на медицината - пренесувањето на вакцината од Европа во шпанските колонии преку жив човечки синџир на почетокот на 19 век.

Автобиографијата на Марко Цепенков содржи голем број интересни етно-историски детали. Еден од нив зборува за „бележење“ на деца од голема сипаница, нешто што го правел неговиот татко, „еќимот на сиромасите“, Коста Цепенков. Дали е можно да станува збор за некаква прото-вакцина?

Поранешните американски претседатели, Обама, Буш и Клинтон, ветија дека ќе се вакцинираат од Ковид-19 во живо, на телевизија. Кај нас музичари промовираат носење маски. Не е прв пат во историјата јавни личности да поддржуваат здравствени кампањи. Но ова не е гаранција за нивниот успех.

Американското ЦДЦ приоритет за вакцинирање од ковид-19 им даде на здравствените работници на земјата и возрасните лица кои долги години живеат во старечки домови.

Тврдењето се базира на првичните резултати од тестирањето во 3-та фаза, а според нив Спутник вакцината има ефикасност „над 95%“ што е повеќе од сите досегашни западни вакцини.

Оваа недела излегоа до сега најоптимистичките вести за развојот на вакцина против коронавирусот, на компанијата Модерна, која покажала изненадувачки 94.5% ефикасност во прелиминарните тестирања. Но еден детал стана главен „зачин“ во целата приказна.

Една од ретките светли вести периодов беше дека првичните тестови на новата вакцина на Фајзер и Биоентеч дале многу добри резултати. И ова е важно, затоа што евентуално успешна вакцина е спасителот што го чека планетава. Меѓутоа во самата вест некои работи беа претерани, некои потценети.

На богатите држави им е потребно само да профункционира вакцината против ковид-19, за тие да почнат да се приближуваат на нормалата од пред пандемијата, смета Бил Гејтс.

Бројни членови на високите бизнис и политички елити на Русија веќе неколку месеци имаат предвремен пристап до експериментална вакцина против коронавирусот, објавува Блумберг.

Пред да има вакцинација во денешната смисла на зборот, во 15 век во Кина почнала да се спроведува „вариолација“ - прв метод со кој луѓето се имунизирале против големи сипаници. Начинот е малку гаден, но резултатот бил крајно успешни. Секако, и тогаш имало анти-ваксери.

Германската јавност е спремна да му подигне споменик на Дитмар Хоп, милијардерот којшто го одби Доналд Трамп да му го продаде „рецептот“ за вакцина против КОВИД-19. А државата Германија одвои 300 милиони евра за научниците од неговата фирма кои деноноќно работат над вакцина.

Човештвото ќе мора да живее со заканата од коронавирус „во догледна иднина“ и да се адаптира на тоа бидејќи нема гаранција дека може успешно да биде развиена вакцина, порачува еден од водечките светски експерти околу болеста професорот по глобално здравје на Империјалниот колеџ од Лондон, Давид Набаро.

Едни од најдобрите африкански фудбалери на сите времиња, Дидие Дрогба и Самуел Ето се меѓу првите кои жестоко реагираа на гласините дека вакцината би можела да се тестира прво во Африка пред каде било на друго место.

Сопственикот на германскиот фудбалски клуб Хофенхајм и еден од најгобатите луѓе во Европа, Дитмар Хоп неодамна беше грубо навредуван од поедини навивачки групи во Германија. Сега неговата компанија е водечка во трката за пронаоѓање на вакцина против коронавирусот.

Мартин Шкрели сите го знаеме и сите го мразиме како бескрупулозниот ѕвер кој посака да заработи милијарда долари подигнувајќи ја цената на лекот Дараприм. Во сенка, со слична финта, само малку корпоративно подобро спакувана, некои заработија не една туку 28 милијарди долари.