Лудилото почнува за 16 дена, а креативните домаќини од превозот си направија неочекувана атракција. Боингот 737 со кој ќе летаат, го бојадисаа како детска играчка. Целта им било да ја претстават културата во Бразил преку најразлични лица, а делото е на двајца махери за уметнички дела кои работата ја завршиле за една недела со 1200 лименки спреј.

Репрезентативците на Мексико нема да јадат говедско месо за време на подготовките за Светското првенство за да не бидат позитивни на допинг тестовите.

Бразилците се рекордери по освоени Светски првенства со вкупно 5 трофеи, а доколку годинава не успеат на домашен терен да освојат уште еден, може да си купат кај Јарбас.

Панини и овој пат ги пушти во продажба албумот и сликиците уште неколку месеци пред да се знаат составите на репрезентациите за Светското првенство, па само до сега има 33 фудбалери чии сликици непотребно ги залепивте.

Според првичните пошироки списоци на репрезентациите кои селекторите ги објавија во пресрет на Светското првенство, актуелниот шампион ќе го има најскапиот тим во Бразил.

Селекторските одлуки секогаш се повод за дебати, посебно ако се работи за списоците на фудбалери кои ќе настапат на Светското првенство. Ова се неколкуте фудбалери за кои селекторите одлучија дека ќе го гледаат првенството на ТВ.

На нешто помалку од 30 дена до стартот на Мундијалот ќе ви прикажеме неколку звучни фудбалски имиња со над 30 години кои веројатно летово ќе се простат од планетарните светски фудбалски собири. Помладите играчите треба да учат од нив што значи носењето на репрезентативниот дрес.

На еден месец до стартот на Светското фудбалско првенство, секој ден по некој селектор го обелоденува составот со кој ќе патува во Бразил. Скајспорт си направи свој тим од 11 играчи од италијанското првенство кои ќе настапат ова лето и кои би биле идеална екипа.

Бразилската полиција состави упатство за туристи што ќе дојдат на Мундијалот во јуни, во кое ги замолува ако им дојде ред да бидат ограбени, да не прават многу галама, за свое добро.

Се наоѓа во зенитот на својата кариера, ги освои сите титули со Барселона, има четири признанија за број 1 во светот, сруши многу рекорди и му преостана да направи нешто значајно и со Аргентина.

Луис Фелипе Сколари го објави списокот на репрезентацијата на Бразил која ќе настапи на Светското првенство, а од фудбалерите кои не се на списокот може да се состави уште една репрезентација која ќе биде конкурентна на Мундијалот.

Нашите противници од квалификациската група за Мундијалот, на 12 јуни ќе бидат во центарот на вниманието. Тие го отвораат летниот фудбалски празник во дуел со домаќинот, а на 37 дена до мечот почнаа да се мотивираат со своите најсилни оружја.

Само за Светското фудбалско првенство кое ова лето ќе се одржи во Бразил кладилниците очекуваат да примат уплати од околу 1 милијарда фунти.

Како и на секое можно претходно натпреварување, Македонија испадна од трката за пласман на Светското првенство во Бразил уште при извлекувањето на квалификациските групи, па ако сè уште немате друга омилена репрезентација, овој сајт ќе ви каже за кого да навивате.

Бразилските медиуми јавија дека во Рио де Жанеиро е украдена цела пратка со 300.000 Панини сликици за Светското првенство.

Бразилски весник објави неколку необични барања од страна на репрезентациите кои ќе учествуваат на Светското првенство. Едно од нив е од Португалија која побара четири телохранители само за Роналдо.

За неколку месеци се очекува дека Бразил ќе се наполни со 500.000 туристи. Меѓу нив најголемиот дел Американци и Европјани. Сексуалните работнички имаат најголеми очекувања токму од нив.

Актуелниот светски шампион во походот кон нова титула на Светското првенство во Бразил ќе замине со најскапа репрезентација. Највреден играч на првенството ќе биде Лионел Меси.

Луис Фелипе Сколари ги соопшти своите последни инструкции пред да ги одреди 23 фудбалери кои ќе тргнат во поход на Светското првенство. Неговите последни инструкции беа за сексот на фудбалерите.

Земјата која живее за фудбалот дефинитивно не ја бива за организација на Светско фудбалско првенство. Ги пробија сите рокови за подготовка на стадионите кои им ги даде ФИФА и се уште немаат абер.

Бразил не може да крене глава од протести кои се однесуваат пред се на големите трошоци за организација, а најголемите критики ги добија за изолираниот амазонски град кој го исфорсираа за да стане дел од градовите домаќини.

Светското првенство во Бразил ќе биде собир на најголемите фудбалски ѕвезди на планетата, но за жал ќе биде осиромашено и за неколку големи фудбалски имиња кои ќе го пропуштат Мундијалот заради повреди.

Упаѓајќи рано наутро бразилската полиција ја окупираше фавелата Маре, една од најголемите во Рио де Женеиро, и од неа треба да ги исчисти нарко-картелите и да ја растури трговијата со дрога пред почетокот на Мундијалот. Влегоа со цела сила.

На нешто повеќе од два месеци до стартот на Мундијалот се појавија интересни детали околу земјите учеснички кои еден месец секојдневно ќе не држат пред ТВ. Скоро половина од репрезентативците кои ги однеле своите селекции на светско, играат во најсилните топ  5 лиги.