КК МЗТ Скопје ја потврди информацијата за новиот тренер. Словенецот Мартич е нов предводник на тимот.

Српскиот тренер Влада Вукоичиќ повеќе не е тренер на македонскиот кошаркарски шампион МЗТ Скопје.

МЗТ Скопје прокоцка големо водство против Цибона и забележа нов пораз во АБА лигата. Хрватскиот шампион победи со 88:93.

Кошаркарите на МЗТ Скопје сосема очекувано со пораз го завршија натпреварот од седмото коло во второто по ранг клупско европско кошаркарско натпреварување од израелскиот шампион Макаби Хаифа со 79:60.

По поразот во Задар, актуелниот македонски шампион стигна до четвртата победа во деветтото коло од Јадранска лига. Во „Борис Трајковски" поразен е стариот должник Игокеа со 90:85 кој минатата сезона два пати славеше над нашиот претставник во АБА лигата.

Актуелниот македонски шампион го забележа петтиот пораз во шестото коло од второто по ранг клупско кошаркарско натпреварување и со тоа најверојатно ќе се прости уште во првата фаза од европската сцена. И во реванш дуелот против Рига, претставникот од Летонија беше подобар противник и славеше со 70:77.

По осум одиграни кола во Јадранската лига, македонскиот шампион е без победа на гостински терен. МЗТ доцна се разбуди и не успеа да направи целосен камбек во финишот на гостувањето кај Задар.

Кошаркарите од Аеродром имаа долг и напорен пат кон главниот град на руската република Татарстан, а таму ги чекаше пекол против фаворитот Уникс Казан кој со висок триумф од 85:61 го делкасираше македонскиот шампион за полн ефект во групата.

По три порази во низа, македонскиот шампион МЗТ Скопје ја прекина црната серија и во Јадранската лига совладувајќи ја екипата на Крка со 80:75.

По шест порази во низа во двете натпреварувања, кошаркарите на МЗТ Скопје го скршија мразот и ја забележаа првата победа во Еврокупот совладувајќи го естонскиот Калев од Талин со 79:70.

Актуелниот македонски шампион очигледно се наоѓа во кризен период. По двата порази во Еврокупот и трите во АБА лигата, тимот од Аеродром го одбележа и шестиот непосакуван резултат во низа на меѓународните натпреварувања. Мега Визура славеше убедливо со 101:82.

Актуелниот шампион на Македонија го забележа и третиот пораз во второто по ранг клупско европско натпреварување. Турскиот претставник Банвит Бандирма се покажа како пресилен за составот на Вукоичиќ кој загуби со 24 поени разлика.

Храбро и борбено настапи македонскиот шампион против бранителот на титулата во АБА лигата, тимот на Партизан, но последните секунди му пресудија на тимот од Аеродром кој поткленка во последниот напад и загуби со 69:70 во петтото коло од регионалната лига.

Актуелниот шампион на Македонија и покрај одличната партија, не успеа да обезбеди победа во второто коло од Еврокупот против Макаби Хаифа. Клучни беа последните моменти од мечот кога „Металците“ ја испуштија предноста која ја имаа скоро на целиот меч и загубија со 83:86.

Македонскиот шампион МЗТ доживеа втор пораз во регионалната АБА лига оваа сезона, овој пат од тимот на Цедевита кој е несовладлив со четири триумфи по исто толку кола во регионалната АБА лига. Хрвватите постојано доминираа и на крајот славеа во Загреб со 77:67.

Македонскиот кошаркарски шампион дебитираше со пораз во Еврокупот. МЗТ загуби на гостувањето кај летонскиот шампион Рига во првото коло од второто по ранг клупско кошаркарско натпреварување во Европа.

Актуелниот македонски шампион е исправен пред нов предизвик наречен Еврокуп, второ по ранг клупско европско кошаркарско натпреварување. Деби настапот за тимот од Аеродром е гостувањето во Летонија против екипата на Рига.

По двата порази од минатата сезона, МЗТ Скопје предводен од Тодор Гечевски ја забележа првата победа над црногорскиот шампион Будуќност во третото коло од Јадранската лига.

Кошаркарите на МЗТ Скопје одиграа далеку под своите можности во втората рунда од новата сезона во регионалното кошаркарско натпреварување. Екипата на Шолнок заслужено стигна до триумф од 81:69.

Маестрален премиерен меч за кошаркарите на МЗТ Скопје во новата сезона од АБА лигата. Словенечкиот шампион Унион Олимпија беше тотално надигран во текот на целиот натпревар од шампионот на Македонија кој оствари висок триумф од 79:60.

Актуелниот македонскиот шампион МЗТ Скопје ја започнува јадранската авантура во која е учесник втора година по ред. На стартот од новата сезона во салата „Борис Трајковски" „Металците" се домаќини на Унион Олимппија предводена од нивниот довчерашен тренер Алеш Пипан.

Словенецот Алеш Пипан повеќе не е тренер на МЗТ Скопје. Тој се враќа во родната земја и следната сезона ќе го предводи тимот на Унион Олимпија.

Екипата на МЗТ го победи Кожув со 93:89 и со убедливи 4:0 стигна до новата титула во македонскиот кошаркарски шампионат. Тимот од Аеродром втора година во низа ја демонстира доминацијата во македонската кошарка со освојување на двојната круна.

Актуелниот македонски кошаркарски шампион, тимот на МЗТ Скопје ја оправда фаворитската улога во четиридневната кошаркарска претстава и со победа против Куманово од 79:71 ја одбрани титулата во Македонскиот кошаркарски Куп.