Епл компјутерс инк. е основан на 3-ти јануари 1977. 42 години подоцна, Епл ја прославува својата годишнина со пад на вредноста на акциите од речиси 450 милијарди долари (за споредба колку што е вкупната пазарна вредност на Фејсбук), која трае од пикот во октомври минатата година.

Неделава Микрософт го премина Епл како највредната компанија на светот (барем на кратко), подвиг кој оди на контото на првиот човек на Микрософт, Сатја Надела, а се припишува на слабостите на Тим Кук.

Гугл на еден од своите најзакоравени конкуренти по неброени основи, Епл, годинава ќе му исплати 9 милијарди долари, не од што мора туку од што сака.

5-те најголеми технолошки компании во САД, Гугл, Амазон, Епл, Микрософт и Фејсбук, на кои до сега вие им бевте еден од главните производи што го продаваа, изминатава година заедно потрошија 80 милијарди долари на физички имот, вклучително машинерија и алат, во својата трансформација во класични индустриски гиганти.

Кражбата се случува во работно време, во продавница полна луѓе, без никакво оружје. Однесени се лаптопи и смартфони во вредност од 27.000 долари, кои ако во рок од 5 минути по кражбата не се комплетно блокирани, тогаш се оставени да работат само за полицијата да може да стигне до новите газди.

Традиционалната конференција за програмери освен востановената презентација на софтверски новини од Епл годинава се претвори отворен фронт против Фејсбук и неговиот јавашлук со личните податоци на корисниците.

Сумата е одредена во пресудата од август 2016, според која повеќе од една деценија Ирска му попуштала на Епл во наплатата на данок.

Рекламата е за Хоумпод на Епл, дело е на Спајк Џоунз и излезе исклучително добра. Ова што сега го имаме е снимањето на рекламата и е неспоредливо со што било друго што се прави во овој жанр.

Кобалтот е клучен дел на секоја можна литиумска батерија во светот, без разлика дали за смартфони, таблет уреди и лаптопи, или бор-машини и Тесла возила. Проблемот со него е што го има во многу ограничени количини, многу тешко се вади (често пати од деца рудари) и Кинезите обезбедија многу голем дел од светските резерви доминантно сместени во Африка.

Секогаш парите се проблем кога ги немаш, Епл ова го преврте на глава и проблем им е што имаат премногу пари. Епл вади поголем профит отколку која било компанија на светот, или речиси колку Гугл, Микрософт и Фејсбук, заедно. Моментално, Епл на сметка има 285 милијарди долари.

Само што вработените на Епл почнаа да го користат новото седиште на компанијата, почнаа да излегуваат првите пропусти на објектот - стаклата им се премногу проѕирни.

На интернет се појави изворниот код за Ајбут компонентата на оперативниот систем на Ајфон, одговорна за подигање на оперативниот систем, нешто што моментално се води како „најголемото протекување„ во историјата на Епл.

Еплинсајдер врз основа на предвидувања од аналитичари објавуваат дека доколку побарувачката за Ајфон Х е под очекувањата, Епл најверојатно ќе го прекине неговото производството кога ќе излезе нова генерација од уредот. Оваа вест Њузвик ја презема со наслов „Дали Епл е на пат да го откаже Ајфон Х? Лошата продажба значи крај на животниот циклус на уредот“. Ова, како што објаснува Џон Грубер, еден од највлијателните блогери на тема Епл, се две сосема различни работи.

Француски активисти поднесоа кривична пријава против Епл заради нивната неодамна објавена и признаена пракса дека со секој апдејт постарите модели на Ајфон намерно ги прават побавни. Обвинението е по основа на „планско застарување“ што е забрането со закон во Франција, а како отштета се бараат 5% од приходите на компанијата и затвор за нејзините директори во земјата.

Бордот на Епл решил дека ЦЕО-то Тим Кук од сега мора да лета само и само со приватен авион „во интерес на неговата безбедност и ефикасност“, без разлика дали било за работа или одмор.

Со години, извршниот директор на Епл, Тим Кук, го повикуваше Вашингтон да ги намали трошоците за да може неговата компанија да врати во земјата милијарди долари што ги држи во странство. Токму на Божиќ, на Кук конечно му се оствари желбата.

За да изградиш компанија со стотици милиони корисници и капитал од милијарди долари треба своето постоење да го поврзеш со некој од главните човечки органи или инстинкти. Во примерот на човек на Скот Галовеј од Универзитетот Њујорк, Гугл е мозокот, Фејсбук е закачен на нашата потреба да сакаме и да се грижиме за некого, Амазон ја покрива нашата „потреба за уште“, a Епл инстинктот за репродукција.

Борбата беше околу „slide to unlock“ опцијата на Ајфон за отклучување на смартфонот со движење од лево кон десно на екранот, и се водеше повеќе од 5 години.

Откако во 2013 на ЕУ и прекипува од даночното глумење лудило на Ирска и почнува да ја гази својата членка да прекине со тинтрањето на мултинационалните корпорации, Епл се пушта во потрага по нов даночен рај. Го наоѓа во Англискиот канал веднаш карши брегот на Франција, на островот Џерси. Речиси инстантно централата на компанијата и 252 милијарди долари неоданочен приход беа преселени на островот.

Види колку ти се пие кафе. Види колку сакаш да имаш Ајфон 10. Избери едно.