Замената е откако Џонсон ја одбил поканата да учествува во дебата околу климатската катастрофа што се случува, а како што може да се очекува од скулптура сместена под телевизиски рефлектори, за време на целата дебата таа топеше.

Благодарејќи на една прастара опција во британските закони, на барање на премиерот Џонсон британската кралицата Елизабета Втора го распушти парламентот. Луѓе сега имаат проблем што човек избран од нула луѓе (кралицата), отпушти луѓе кои ги имаат сите гласови на британските гласачи (парламентарците).

Од средбата Макрон - Џонсон извадена е една фотка која од сега ја предвидуваме дека вечно ќе биде користена за ругање на овој вториот. Плус, фотката доаѓа со мајсторски добар сеир, па нема зошто да не остане тоа така. Видеото од истиот настан, покажува колку малку треба за некои моменти да станат вечни.

Во сите кампањи што последниве две-три години ги водеше Борис Џонсон проникнуваше по некоја излудена идеја којa никој не веруваше, а тој ветуваше, дека ќе може да ја истера. Сега веќе не е во кампања, ама идеите му се исти како да е.

Тоа што Борис Џонсон стана премиер на Британија не изненади апсолутно никого, бидејќи сите го чекаа неизбежниот момент уште од денот кога Тереза Меј се всели во премиерската резиденција. Сега Џон Оливер прави профил за новиот премиер на неговата родна земја, која без разлика на жестината најверојатно повеќе ќе му помогне на Џонсон, отколку што ќе му одмогне.

Навивачи на четвртолигашот Олдам ја имале таа среќа да им се погоди редарот кој многу наликува на новиот британски премиер. И ете ти заебанции колку сакаш, а човекот искрено се смешка, интересно му е.

Минувајќи низ дневните вести за да се инспирираме за статија, наидовме на една која навидум нема никаква врска со Букбокс. Некој ја фотографирал внатрешноста на Тојотата на бившиот министер за надворешни и кандидат за иден британски премиер. И сцената ја опишал со збор кој неодоливо нè потсети на еден друг.

Армагедонот е на повидок. Борис Џонсон е тргнат кон бр. 10 и нема ништо неискрено, нерепутабилно па дури ни доволно скандалозно што тој може да направи што би ја спречило неговата партија да го избере. Тие ги знаат сите негови лаги, мрза и нарцизам, и пак не им е гајле.

Човекот што ја извади Британија од ЕУ, па стана министер за надворешни работи на истата обезевропена Британија, пред некое време повторно е ангажиран за колумнист во Дејли Телеграф... за хонорар од 275.000 фунти годишно.

Целата борба се води внатре во Конзервативната партија, каде закоравените евроскептици веруваат дека имаат доволно луѓе на располагање за да ја сменат британската премиерка. Она што ги кочи е што не можат да се договорат за тајминг и за тоа како точно го замислуваат брегзит.

Во некој погоден дел кон крајот на летото, истрагата за исламофобијата на Борис Џонсон тивко ќе приврши со изјава како тоа неговите пишувања се неразумни и невкусни, меѓутоа дека и покрај тоа тој нема да биде избркан од партијата. Во тој момент, Борис ќе може да ја официјализира својата амбиција за главната позиција на бр. 10.

Ако брегзит требаше да биде почетокот на трансформација на силите во ЕУ, по кој националните владите ќе почнеа да си враќаат дел од овластувањата предадени на Брисел, на крај тој се претвори во показна вежба зошто не треба да му се спротивставуваш на Брисел.

Како што успешно ја заврши кампањата за брегзит, така Борис Џонсон беше назначен за министер за надворешни работи во новата британска Влада која требаше заеднички да ја носи државата низ преговорите за напуштање на ЕУ. Таму продолжи во истиот стил од времето кога беше градоначалник на Лондон, овозможувајќи и на Тереза Меј десетина пенали за без никакво двоумење да му даде отказ. На крај се случи обратното, Џонсон во знак на притисок врз Меј ја напушти британската влада.

Во март британскиот министер за надворешни работи во интервју за Дојче веле потврди категорично, неодречиво и „со златни букви Тито“ дека отровот што е искористен против Скрипал доаѓа од Русија и дека тоа му го потврдиле од лабораторијата што испитувала. Не му го потврдиле.

Во случајов тој е Британец и се вика Борис Џонсон, актуелен државен секретар за надворешни работи на оваа земја. При посета на Мијанмар тој реши наизуст да кажува песна од Киплинг. И не можеше да сфати зошто толку упорно го запираат во таа намера.

Само еден месец откако комплетната постава на Европската Унија ја направи ненормална ако мисли дека Британија ќе ги плати трошоците за излегување од Унијата, британскиот министерот за надворешни работи во интервју за Бибиси ја изгуби својата брегзитерска невиност порачувајќи - ма нормално дека ние сè ќе си платиме. Цехот за кој се нечкаат е околу 100 милијарди евра.

Ако ултиматумот на Г7 до Русија доведе до вистинска војна, колкава е вашата доверба за Доналд Трамп како воен лидер и Борис Џонсон како негов поручник, прашува руската амбасада во Лондон.

Уште ја немаше завршено турата низ своите нови канцеларии, а новиот британски министер за надворешни работи беше приморан да се справува со обид за преврат во Турција, пишува дипломатскиот дописник на Бибиси, Џејмс Ландал.

На заминувањето од функцијата, поранешниот министер за надворешни работи, Вилијам Хејг, на својот наследник му остави упатство за министри за надворешни работи од 10 точки.

На хартија поранешниот градоначалник на Лондон е еден од најкосмополитиските ликови во светската политика: роден е како американски граѓанин, прадедо му е Турчин, и е ветеран новинар од континентална Европа. Со различно ниво на течност зборува француски, италијански, германски и шпански. Во пракса ова и не се преточи во некое посебно космополитско однесување.

Борис Џонсон му зари нож во грб на сопартиецот Дејвид Камерон. Мајкл Гов му зари нож во грб на пријателот Дејвид Камерон. Во третиот чин од драмата, Мајкл Гов му зари нож во грб на соборецот од борбата за брегзит, Борис Џонсон.

Борис Џонсон, познат по својата креативна употреба на мајчиниот англиски, особено за навреди („големи мрзливи протоплазмични безрбетни амеби"), има експертска дијагноза зошто голем број жители на Британија не зборуваат англиски. Ако е нешто лошо, мора да има врска со Балканот.