Џулијан Асанж поднесе тужба против Нобеловата фондација поради доделувањето на Наградата за мир на Марија Корина Мачадо, која ја поддржува американската агресија врз Венецуела и повикува на војна. Ако ѝ ја исплати наградната сума на Мачадо, Фондацијата ќе биде одговорна за финансирање на воени злосторства и ќе треба да одговара пред Меѓународниот кривичен суд.

Пред да биде укината од Доналд Трамп, агенцијата УСАИД мошне веројатно била вклучена во тестирање на фармацевтски производи врз Украинци, тврди генерал во Министерството за одбрана на Русија. Тоа не е никакво спектакуларно откритие на руските служби. Генералот само сумира официјални изјави на американски функционери и експерти за американски медиуми.

Новата европска генерација на социјалните медиуми изразува огромна европска солидарност несвојствена за Брисел. Оние што израснале во време на тероризам, имиграција и немоќ се заситени од ЕУ како клуб во кој 27 членки се расправаат за сè и сешто. Копнеат за иднина во која Европа ќе биде суперсила на ниво на Кина или САД, само помудра и покултурна.

„Просто е, тие имаат нафта а ние ја сакаме,“ лапидарно и ефикасно ги објасни причините за американското острење заби за Венецуела професорот Џефри Сакс. Им го паркираа најголемиот носач на авиони, уништуваат рибарски бродови, запленуваат танкери. Сето тоа со наратив за борба против дрогата иако американските федерални податоци покажуваат дека Венецуела не е значаен извор на наркотици што влегуваат во САД.

Судиите и обвинителите во Меѓународниот кривичен суд се обидуваат да живеат и да работат под истите американски финансиски и патни ограничувања што беа воведени за рускиот претседател Владимир Путин и Осама бин Ладен. Осакатени им се најнормални финансиски услуги, картички им се блокираат, меилови укинуваат, електронски книги им исчезнуваат па дури и Алекса на Амазон ги игнорира.

По вчерашното (11.12.) објавување на веста дека Државниот секретар на САД, Марко Рубио, наредил во дипломатска преписка повеќе да не се користи Калибри и да се применува традиционалниот Тајмс, oдеднаш типографијата стана „жешка“ тема, што покажува дека таа не само што се однесува на естетиката и техничките аспекти на комуникацијата, туку може, како во случајов, да има врска и со идеологијата и таборските препукувања. 

Странците што доаѓаат во САД без визи ќе мора да ја прикажат речиси целата своја дигитална историја – активностите на социјалните мрежи во изминатите пет години, телефонските контакти, имејл адресите, отпечатоци од прсти, биометриски податоци за ликот, ДНК и ирисот. Ќе се бараат дури и основните податоци за членовите на семејството.

Не траеше долго авантурата на големите нафтени компании со водородот како алтернативен извор на чиста енергија. Сега масовно ги откажуваат проектите за енергетски централи. Градењето инфраструктура и производството на чист водород е скапо. Поевтино им е да ги прежалат вложените милијарди отколку да инвестираат во гориво за кое нема пазар.

Никогаш не ја потценувајте способноста на Европејците да се шокираат од Доналд Трамп. Прво се шокираа што сака да склучи мир во Украина. Па се шокираа што разговара со Путин. Сега се шокирани од минатонеделната американска Стратегија за национална безбедност која предупредува дека ако продолжи со сегашните имиграциски политики, на Европа ѝ се заканува „цивилизациско бришење“.

Европската Унија реши да ја заостри својата политика кон мигрантите, која САД пред неколку дена ја оценија како „закана за европската цивилизација“. Новите мерки предвидуваат построги критериуми за азил и отвораат можност за отворање центри надвор од границите на ЕУ за обработка на барањата за азил и за депортации по итна постапка.