Како некогашно лице од Стејт Департментот, Мајк Бенц е инсајдер од „мочуриштето“. Денес е директор на Фондацијата за онлајн слобода, беше кај Џо Роган и неколку пати баш го остави без зборови. Пар извадока од неговото гостување, за корените на проблемите во Украина и за вистинската функција на омилената владина агенција на нашите невладини.

Википедија вика дека Жаклина Пешевска е од Скопје, има завршено Технолошко-металуршки факултет, интернет нè потсетува дека била (и е) пратеничка на ВМРО ДПМНЕ во македонското Собрание и водела (и ја води) нивната партиска унија на жените. Таа пак, нè потсетува на нешто друго, во име на оние кои сè уште се во зандани за терористичко загрозување. 

Што се 40 години во однос на вечноста? Според ова видео, многу се. Затоа што денес ваква емисија, макар и скромна по своите технички елементи - нема. Затоа што ретко или воопшто не може да се случи да се одвои телевизиско време за актер што чита извадок од роман. А уште помалку за на целосно црн екран да оди француска шансона направена по стихови на Превер. 

Ви преведовме серија доверливи дипломатски депеши од Викиликс. Ќе видите дека за „Северна“ се разговарало уште во 2008-ма  (бевме мафтани дека е тоа нов предлог откако „Илинденска“ не успеала) но уште поважно, дека ни Груевски ни Црвенковски не помислувале некој да ни диктира како себе да се викаме. Подоцна дојдоа Заев и Димитров и „храбро“ се исценкаа да си го смениме уставното име и да го „решат“ проблемот - онака како што сакаа Грците.

 Кит Кларенберг од Грејзон пишува: „Чарлс Гарет, очигледен разузнавачки агент, се здружи со локален обвинител за погрешно да обвини македонски јавни личности и да ја собори владата во земјата. Секаде каде што оди Гарет, следат државни удари“. Текстот прецизно наведува работи кои овде одамна на многумина им се познати, ама кои засегнатите кругови и нивните корисни идиоти упорно се обидуваат да ги турнат под тепих.