Пресврт на Трамп: Украина може да си ја врати територијата... и повеќе од тоа
24 септември 2025
- Украина може да си ја врати територијата во своите граници од 2022 година, па дури и да оди „подалеку од тоа“, порача американскиот претседател Доналд Трамп во голем пресврт на својот став за војната во Украина.
- „Со време, трпение и финансиска поддршка од Европа и особено од НАТО, можно е да се вратат оригиналните граници од кои почна војната. Зошто да не?“, порача Трамп.
- Пред само неколку месеци Трамп беше разочаран од политиката на претседателот Володимир Зеленски и го предупреди дека ќе мора да се откаже од територија што е под окупација на Русија ако сака да ја запре војната. Сега вели дека го променил ставот „откако се запознал целосно со воената и економската ситуација во Русија и Украина.
- „Русија се бори бесцелно три и пол години во војна, во која на вистинска воена сила би ѝ биле потребни помалку од една недела за да победи... Путин и Русија се во ГОЛЕМИ економски проблеми и ова е време Украина да дејствува“, додаде Трамп нарекувајќи ја Русија „тигар од хартија“.
- Дури и Зеленски е изненаден од овој пресврт. Тој изјави дека позициите на Киев и на Вашингтон „никогаш не биле поблиски“ и побара од Трамп да изврши поголем притисок врз кинескиот претседател Ши Џинпинг за да не ја поддржува повеќе руската војна во Украина.
