- За резултатот од денешното гласање, претседателската кандидатка на ВМРО ДПМНЕ рече дека тој е „инспиративен“ за неа и нема зборови за благодарност.
- „Повикувам на единство, ќе соработувам со премиерот, Собранието, медиумите, но и со опозицијата“, кажа таа.
- Секој ден ќе докажувам дека сум таму не заради политичка кариера туку заради Македонија, рече Силјановска-Давкова.
- Со 461 глас за, 121 против и 107 воздржани, Европскиот парламент го усвои извештајот на Томас Вајц за напредокот на Македонија, но откако од документот беа отфрлени зборовите „македонски идентитет“ и „македонски јазик“.
- На отстранување на сите референци за македонски идентитет и јазик инсистираа трите најголеми политички групи и европратеници од Бугарија и од Грција.
- Документот на европратеникот од Австрија ги опфаќа клучните предизвици на Македонија на патот кон ЕУ и препораки за напредок во владеењето на правото, борбата против корупцијата, реформата на јавната администрација и зајакнување на демократијата.
