Вести › Набрзинка

Трамп пред ОН: Со „отворени граници“ отидовте по ѓаволите

23 септември 2025

Доналд Трамп жестоко ја критикуваше политиката на отворени граници на европските сојузници и ги обвини Обединетите нации за ширење „глобалистичката миграциска агенда“ и за „финансирање на инвазијата“.
Тој ги повика земјите да ги затворат границите за мигранти и да ги протераат странците. „Време е да се стави крај на неуспешниот експеримент со отворени граници. Мора да го завршите сега... Вашите земји одат по ѓаволите, порача Трамп обраќањето пред 80-то Генерално собрание на ОН.

INTERNACIONAL | Con fuertes palabras, Donald Trump cuestionó la política migratoria en Europa. Según él, las naciones enfrentan problemas que ponen en duda el futuro de las fronteras abiertas. #Internacional #Trump #Europa #Migración #Política pic.twitter.com/Skg1JfDqCA
— Pablo Cano (@feruzx) September 23, 2025

Директно обраќајќи се до европските лидери, тој ги обвини дека го уништуваат наследството и дека дозволуваат меѓународна миграција поради погрешно поставена политичка коректност.
Трамп ја повтори заканата дека ќе воведе високи царини за Русија за да го принуди Путин да преговара за крај на војната во Украина, но истакна дека европските земји прво ќе мора да престанат да купуваат руска енергија. „Дури и земји од НАТО не се откажаа од руската енергија, што го дознав пред околу две недели, и не бев задоволен. Помислете, тие ја финансираат војната против себе. Кој, по ѓаволите, некогаш слушнал за тоа?“
Повторувајќи го сомнителното тврдење дека лично завршил седум војни за осум месеци, Трамп рече дека Обединетите нации нудат само „празни зборови“ и не му помагаат да ги финализира мировните преговорите.
Ги нападна иницијативите за зелена енергија како прераспределба на производствената моќ од развиениот свет кон „земјите што загадуваат, ги кршат правилата и заработуваат богатство“. „Имиграцијата и високата цена на таканаречената зелена обновлива енергија уништуваат голем дел од слободниот свет и голем дел од нашата планета“.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор