Англискиот репрезентативец Рос Баркли решил да искористи слободен ден да скокне од Лондон до Ливерпул, ама таму во такси направил бербат со остатоци од храна, па одбил да плати глоба за чистење по што таксистот решил да викне полиција. На крај Баркли отишол до банкомат да извади пари за казната.

Екипите на ЕЛЕМ, Гранит и Рамстор ги однесоа бодовите во првиот ден од второто коло од Бизнис лигата на Македонија.

Швеѓанката Анџелика Бенгстон имаше многу многу среќа затоа што во натпреварувањето во скок со стап имаше сериозна неприлика од која за среќа излезе неповредена. Иако стапот за скок во вис изгледа лесно и тенко, направен е од многу издржлив материјал кој речиси никогаш не се крши... Ама речиси.

Со ремито 1-1 против Арсенал во големото дерби на 7 коло од Премиер лига, Манчестер Јунајтед се наоѓа на 10 место на табелата и го бележи најкатастрофалниот почеток на една сезона откако е основана Премиер лигата во ваков формат.

Дилета Леота има 28 години и е водителка на DAZN, официјален он лајн сервис за пренос на натпреварите од Серија А. Италијанката води во студио, ама кога ќе се појави на некој стадион публиката не трепка. Навивачите на Наполи на мечот против Бреша без пардон и пееја:

Им дојде тогаш на „граѓаните“ на „Етихад“ во 2. коло од групите во ЛШ и на 38 години им покажа на Компани, Клиши, Јаја Туре, Давид Селва, Френк Лампард, Серхио Агуеро и Един Џеко, каква фудбалска интелегенција има.

Животот дефинитивно ги пишува најубавите приказни.

Детето за кое Фергусон уште на Мурињо му рече дека треба да го игра повеќе, еве го во едно друго издание. Скот Мектоминеј има 22 години, задача му е да ја пази средината, ама вчера гаѓаше на Олд Трафорд, онаму каде што не му ги фаќаа на Бекам. Трет гол за него во кариерата која ја почна во Јунајтед во 2016/2017.

Кристијан Нобоа е искусен 34 годишен Еквадорец кој настапува за Сочи. Па впрочем само стара коска умее вака да го наштелува шутот кога ќе го сети голманот дека не е на свое место. Преубаво.

Кулушевски е роден во Стокхолм на 25 април 2000 година. Има потекло од Македонија. Настапи на 2 меча за нашата репрезентација до 16 години и постигна 3 гола. Подоцна ФФМ проба да го разубеди во намерата да не игра за Шведска и да заигра за земјата на неговите родители (дури и Пандев му прати потпишан дрес), но тој реши да го носи дресот на Швеѓаните (веќе има пар настапи за У21).

Романецот Стефан Раду викендов на тимот на својот поранешен клупски колега, Горан Пандев му опали една левица по која сите на Олимпико се држеа за глава. Гол кој извади една ептен ретка коинциденција.

Сè што е потребно е да се зачлените вo SL клубот, да извадите членска картичка и да земете активно учество во новата сезона на Типстер купот.

Пар другари во метро во Лондон, му пеат на трет другар „Оу Теми, Теми“ затоа што многу личи на шпицот на Челси, изненадувањето на сезонава Теми Ејбрахам. И еден дедо што од 51-ва година навивал за „сините“ се навлекува и оди да се слика со случајниот минувач.

Ај што од Европа секој трет ден читаме за спектакуларни навивачки изданија, ама убаво е кога ќе се види вакво нешто и од друга страна на светот, особено од Мароко. Навивачите на Видад Казабланка, трофеен клуб од оваа земја, на мечот против Надхибу (4:1) направија интересна 3D кореографија. И не им е првпат.

Во сезоната 2018/2019 Интер првпат надминал приходи од 400 милиони евра. Клубот заработил 415 милиони, односно 20% повеќе од лани (346 милиони). Од нив 19,1 милион носи договорот со Pirelli, најверниот партнер на Интер во последните 24 години.

Шпанското крило кое се прослави во Валенсија, цепа уште на 38 години како член на Бетис веќе петта сезона. Фати да му прави некоја магија на колега со која за момент ги укочи со работа сите масери. Ма каква бре магија, реметење до солзи е фората.

По санирањето на повредата, Новак Ѓоковиќ е во Токио каде за прв пат во овој град ќе настапува на турнирот АТП 500. Кога веќе е Јапонија, се проба малку и во сумо борење. Има шанси да го собори, исто колку што дебелово може да може да му земе гем, па макар очи да му врзат на Ноле.

По примерот на Манчестер Јунајтед, и Милан докажува дека кога еден гигант ќе го допре дното, многу е тешко да се врати на старите патеки на успехот. Со години росонерите не можат да се опорават, а нов шамар синоќа им залепи Фиорентина предводена од ветеранот Рибери.

Симболот на изворните македонски песни беше мотивација плус за извонредниот танц на оваа 17 годишна италијанската гимнастичарка Александра Аџурџукулезе која стигна до бронза. На радоста и немаше крај за успехот, а инаку се работи за Светско првенство во ритмичка гимнастика кое се одржа лани во Софија.

Во најголемото дерби на албанскиот фудбал меѓу Тирана и Партизани Тирана, гостите славеа со 1-2. Натпреварот го одбележаа незапамтени инциденти меѓу двете навивачки групи кои се пресметаа со употреба на бакљи, дрвја, каменици.

Ако има некој дострел поголем од тоа да освоиш злато на едно Светско првенство во атлетика, тогаш дефинитивно ова е тој. Еднаш на 100 години се гледаат вакви сцени. Светот го освои, не трката.

Барнсли - Брентфорд во Чемпионшип. Гостите славеа 1-3, ама моментот кој им се случи во 38’ минута од мечот беше пресликан циркус од фудбалчето на Сони Плејстејшн после што најчесто страдаат џојстици.

До златниот пехар Србите стигнаа без ниту еден пораз на Европското првенство и со неверојатен триумф над домаќинот Франција во полуфиналето и Словенија во финалето. Ова е трето европско злато за нашите соседи.

Францускиот репрезентативен голман го спаси Марсеј од пораз против Рен пред своите гледачи и е најзаслужен што освоија макар бод со две лудачки одбрани во финишот.