Португалецот Педро Пинто кој долги години работеше во спортската редакција на СиЕнЕн, ја водеше церемонијата за ждрепката која што ја влечеа Џорџо Маркети, генералниот секретар на УЕФА и директор за натпреварувања во европската фудбалска унија, Кели Смит, поранешна фудбалска репрезентативка на Англија и Хамид Алтинтоп (поранешен играч на Баерн, Шалке и Галатасарај).
Интересно, првпат откако се игра Лига на шампиони сите 16 тимови во оваа фаза ќе бидат од Топ5 лигите на Европа.
ОСМИНАФИНАЛНИ ПАРОВИ ВО ЛИГА НА ШАМПИОНИ:
БОРУСИЈА ДОРТМУНД - ПАРИ СЕН ЖЕРМЕН
РЕАЛ МАДРИД - МАНЧЕСТЕР СИТИ
АТАЛАНТА - ВАЛЕНСИЈА
АТЛЕТИКО МАДРИД - ЛИВЕРПУЛ
ЧЕЛСИ - БАЕРН МИНХЕН
ЛИОН - ЈУВЕНТУС
ТОТЕНХЕМ - ЛАЈПЦИГ
НАПОЛИ - БАРСЕЛОНА
Првите натпревари од 1/8 финалето се играат на 18/19 и 25/26 февруари, со реванши на 10/11 и 17/18 март.
Финалето на Лига на шампиони ќе се игра на 30 мај 2020 стадионот „Ататурк“ во Истанбул, место каде се одигра најлудото финале во историјата меѓу Ливерпул и Милан.
