Таму додуше реванши се играат, причина повеќе да биде поинтересно, а кога имаме голман херој во решавачки моменти, тогаш драмата не може да биде поголема.

Обично е фер и во секоја прилика прави селфи со оние кои улетуваат на сред натпревар да се сликаат со него. Ама синоќа Јувентус беше толку „бос“, без шут во рамки на противничкиот гол, така што фрустрацијата на Кристијано веројатно била причина за ваквиот револт со натрапникот.

Пеп е дефинитивно ноќна мора за Реал Мадрид, а притоа го спасува и престижот на англискиот клупски фудбал.

Пред стартот на мечот Лион - Јуве имаше остра комуникација меѓу Бонучи и Матуиди. Според италијанските медиуми капитенот му замерил на Французинот дека без разлика што нема да биде во прв состав, треба посериозно да се ангажира за време на загревањето.

Очаен прв меч на Јувентус во нокаут фазата од Лигата на шампионите кој доби противник по мерка, но загуби 1:0. Немаа шут во рамки на гол. Немоќта на Старата Дама против Лион најдобро е отсликана во овој дуел на Дибала со Хусем Ауар.

Габриел Жезус и Кевин Де Брујне за 5 минути ја анулираа предноста на Реал остварена во 60-та минута и со тоа се изборија за одличен резултат пред реваншот на Етихад. Во незгодна положба е и Јувентус кој дома ќе брка пораз од 1:0.

Се раѓаш во бегалски камп, бегаш од граѓанска војна, правиш опасно добар трансфер во Бундес лига и веќе на 19 години играш во ЛШ. Па уште на крај навивачите на Баерн ти го скандираат името затоа што си здробил на Стемфорд Бриџ. Каква бајка.

Некогашната најдобра тенисерка на светот, Русинката Марија Шарапова на 32 години стави крај на кариерата поради честите повреди со кои не можеше да излезе на крај.

Јуха е возрасен човек од Финска. Во ’90-те години толку многу се вљубил во фудбалскиот клуб Рома, што летно време кога сите одат на годишен одмор, тој работи за да собере повеќе денови, за да може после на раат да оди во Италија и да го гледа саканиот тим. Роднините и пријателите му викале дека изгубил памет. „Во право се, знам“, тврди Јуха.

Хрватот Ален Халиловиќ (23) до пред некоја година важеше за ултра талентиран фудбалер. Барселона го доведе на 16 години, ама Хрватот не успеа да се докаже на „Камп Ноу“ па почна бескрајна авантура. Го позајмуваа во Спортинг Хихон, во Лас Палмас, во Хамбургер, пред да дојде во Милан. Не се снајде ни на „Сан Сиро“ па го позајмија во холандски Херенвен. Пред неколку дена го дал првиот гол сезонава, а неколку минути претходно направил р’шум во подтрибинскиот бар.

И покрај тоа што УЕФА за потег на денот прогласи дриблинг на Mеси, Твитерџиите на големо го споделуваат и коментираат моментот кога Меси беше жртва, бидејќи е реткост. Тоа му успеа на Оспина кој многу ладно го измрда или ако сакате, Меси се излизга како на сличуги во обид да скрати евентуално додавање до бекот.

Недела на такмичење кој ќе направи поголема глупост или кој ќе биде најинтересен во прволигашка конкуренција. На ред дојде и австрискиот фудбал од каде и не очекувавме баш некој ваков испад.

Сите мислеле кога ќе го смени дресот со одело дека ќе се смени, ќе се смири, ќе биде поуљуден. Ама јок. Си тера по свое до ден-денес. Диего Армандо Марадона на денешен ден пред 25 години станал тренер на Расинг во Аргентина. Еве како поминал неговиот прв натпревар.

Фудбалерите на Кардиф се фрустрирани зошто со сигурност уште една сезона ќе си чмаат во Чемпионшип и останаа скоро без шанси за плејоф за Премиер лига. Синоќа изгубија од некогашниот европски првак Нотингем Форест кој многу е сериозен во намерата да се врати во Премиер после многу години па Калум Пaтерсон и Леонардо Бакуња се спречкаа.

Клубовите од главниот град на Англија во иднина ќе се молат на ждрепка да бидат што подалеку од германскиот гигант, зошто кога и да им дојде на гости им прави рушвајс.

Ги направи мајмуни толку едноставно и префинето што комотно има право да бара измена од тренерот. Не мора да игра веќе овој Луиз Фернандо Нашименто од Атланта Јунајтед од американскиот МЛС после ова против Монтагва.

Кога Наполи игра во Лига на шампиони, фанатичната наполитанска публика традиционално на секој меч го вади овој магичен звук на крајот од незаменливата хумна на ЛШ: Знаеме дека ви е познато, ама не се пропушта. 

Белгискиот репрезентативец Дрис Мертенс постигна голчиште против Барселона со кое го стигна Хамшик на листата најдобри стрелци во историјата на Наполи. Возврати Гризман кој и донесе на Барса поволен резултат пред реваншот. Челси е со една нога во аут.

Махерот одбрал 4 утакмици, ама ги уплатил 4 пати во 3 различни кладилници. Доста фина добивка нема збор, ама и уплатата не е наивна. 100че ставил, не такво какво што мислите.

Ние сме мислеле дека во балканските трети лиги има сè и сешто на фудбалски терени, ама во Јужна Африка се дефинитивно полуди. Некој цреп бил изиритиран од судиски одлуки, па решил да го брка со џип по цел терен.

Можеби на прва звучи нелогично за да ти успее тоа, ама навивачите од Белград имаа идеја и сценарио. Поставија звучници до гостинскиот сектор во кој беа сместени навивачите на Војводина и секогаш кога ќе пуштеа глас за да скандираат, им рокаа една многу славна најавна шпица од цртан филм. Какви цареви.

Обично снимките кои излегуваат со турски хард кор навивачи се како боксуваат телевизори, кршат столици и удираат во врати и ѕидови. Ова е откачено на друг начин. Фенербахче загуби дома од најголемиот ривал Галатасарај после 20 години и гостинов со сиот памет се измешал меѓу домашните навивачи.

Квалификациите за Европско 2021 се голем циркус. Веќе одамна е познато дека поради сериозниот конфликт меѓу ФИБА и Евролига, најдобрите кошаркари на многу репрезентации не можат да играат за своите селекции во термините предвидени за квалификации, па обично играат некои третокласни играчи.