Масовни шампионски прослави во време на глобална пандемија

Англискиот фудбал полека спушта завеса, а на многу локации ширум земјата периодов имаше МАСОВНИ собири на навивачи кои славеа од разни причини. Кога викаме масовни, мислиме над десетина илјади луѓе без многу маски и без ама баш никаква социјална дистанца меѓу нив.

И покрај тоа што глобалната пандемија веќе го доживува вториот бран на КОВИД-19, ова посебно не ги тангира најверните навивачи на Островот.

Ако во другите топ 5 лиги во Европа состојбата меѓу навивачите беше многу поинаква (ПСЖ не славеше титула со навивачите во Париз, Реал Мадрид не славеше титула со навивачи на плоштад, Баерн Минхен исто не ги собра навивачите), тогаш нејасно е зошто во Англија се однесуваат како стварно „да им чуе“ за пандемијата.

Ливерпул синоќа го одигра последниот домашен меч во сезоната и тоа големо дерби против Челси. Гостите, како што е редот, направија шампионски шпалир за играчите на Ливерпул, им аплаудираа иако не беа баш воодушевени што мора тоа да го прават.

Јирген Клоп по којзнае кој пат апелираше до навивачите да не се збираат околу стадионот и да слават дома.

„Ако вие не разбирате дека ова што го правиме е за вас, јас не можам никако да помогнам. Нè направивте среќни, треба да се слави по дома. Спремете вечера и кога овој срање вирус ќе пројде, ќе славиме“, рекол Клоп откако го кренал шампионскиот пехар на Енфилд Роуд по мечот со Челси.

Што се однесува до мечот паднаа вкупно 8 гола (5:3). Трент Александар-Арнолд беше играч на мечот со прекрасен гол од слободен и со асистенција - 13-та во сезоната што е рекорд на лигата. Лани Арнолд постави рекорд со 12 асистенции.

Ливерпул веќе три сезони не губи дома а за навивачите тоа е уште еден доказ дека „Енфилд“ е неосвоива тврдина под водство на командант Јирген Клоп.

Околу „Енфилд Роуд“ се собирал народ додека уште било светло надвор

 

Историски момент чекан цели 30 години. Ливерпул стана шампион на Англија и ја освои титулата во Премиер лига првпат после 1990-та година.

ВБА И ЛИДС ЈУНАЈТЕД ВО ПРЕМИЕР ЛИГА

Во среда на 22.07 доцна вечерта, неколку дена после Лидс Јунајтед, и ВБА се пласираше во Премиер лига. Навивачите на второпласираниот клуб од Чемпионшип се собрале околу стадионот да прослават пласман во елитата, без многу осврт на пандемијата со вирусот:

Еве како беше надвор од „Еланд Роуд“, стадионот на Лидс Јунајтед каде нашиот Алиоски со екипата и илјадници навивачи славеа пласман во Премиер лига:

Во Ливерпул 9 лица биле приведени поради нарушување јавен ред и мир. 

23 јули 2020 - 10:28

Штета ако сте пропуштиле

Прекардашијан

Тишината е луксуз

Мајсторе, задња

Мушка курва