Голот на деценијата на Гвангжу и веројатно најдобар во кариерата на Паулињо, по кој не им текна повеќе во Кина да му се бранат вака со само еден и единствен играч застанат како жив ѕид.

Еден од основачите на фудбалскиот клуб Барселона и нејзин долгогодишен претседател, Жоан Гампер среде пандемија со шпанска грозница кога луѓе умирале, основал комисија и тврдел дека активности на воздух се најдобри во справување со страшниот вирус.

Знаеме дека држат многу добар овчи кашкавал, ама не и дека стадионот им е збрцан во една ваква лепота. На прва помисливме дека ова е некаде во Исланд, а тоа да ти било Дебар.

Во пресрет на новата ракометна сезона, во најдобрите македонски клубови кои ќе се борат за врвот: Вардар, Металург и Еурофарм Пелистер веќе има неколку хрватски ракометари. Македонија како да е ветена земја за хрватскиот ракомет затоа што овде продефилираа и уште играат врвни ракометари и тренери. Игор Карачиќ, Лука Циндриќ, Иван Чупиќ, Златко Хорват, Лино Червар, Жељко Бабиќ и многу други.

Весело е на тренингот на Беневенто, особено затоа што гол даде нивниот тренер, а му се израдува исто како во своите играчки денови.

Додуше рекламирање букмејкери и казина е дозволено од 01:00 до 05:00 на полноќ, но слабо фајде ќе имаат клубовите кои веќе почнуваат со Ла Лига и кои зависат од парите од овие спонзори.

И болен ја сомеле со 38 поени, 7 скока и 5 асистенции, а Булси поведоа 3:2 во петтиот натпревар од финалната серија во 1997-ма. Ете тоа беше Ем Џеј.

И во тој контекст за победник на денот го прогласуваме:

Секој искрен љубител на фудбалот ќе признае дека за време на глобалната пандемија кога немаше ни с од спорт, му фалеа мајсториите на Аргентинецот. Лео ќе го гледаме за некој ден, на мечот Мајорка - Барселона во сабота од 22:00 (без публика).

Да, тоа што го читате во наслов звучи неверојатно, ама е вистинито. Познатиот битолчанец многу повеќе ги освои срцата на грчките навивачи, отколку светски познатиот бразилец. Заслужено, бидејќи Тони е легенда во грчкиот фудбал.

Елитниот европски фудбал го очекуваат празни трибини. А во Србија свири поинаква песна, па на полуфиналето на Купот меѓу Партизан и Црвена звезда имаше околу 25.000 гледачи

И покрај тоа што успеа во еден момент пред глобалната пандемија бодовно да го стигне Порто, Бенфика зареди четири ремија по ред и му овозможи на најголемиот ривал да се одлепи на 2 бода на прво место. А Порто синоќа славеше 1-0 во меч без публика каде навивачите се качија дури на кровот и од таму палеа бакљи и навиваа.

Во сред пандемија на вирус, Партизан и Црвена Звезда одиграа дерби пред 20.000 навивачи кое го добија домаќините со 1:0. Никој не зборува за голот, туку за дриблингот кој му претходеше. Умар Садик го прати Милош Дегенек на костозглобна.

Димитрис Јанакополуос, најтрофејниот претседател на кошаркарскиот клуб Панатинаикос во последно време е скроз тенок со живците. Години наназад тој има отворени испади, контроверзи и скандали а сега последно откако ја нападна Евролига за прерано завршената сезона во која многу клубови изгубиле многу пари, тој се судри и со навивачите.

На финалето сигурно не сака да се навраќа, бидејќи Франција ги елиминираше со гол во продолженија, ама првиот меч одигран на денешен ден пред точно 20 години против Турција му буди посебни спомени. Нема играч кој не сонува да постигне гол со ножички.

На улиците на Лондон веќе неколку дена е права брканица меѓу хулигани од навивачки групи и демонстранти кои во борбата против расизмот решија да уриваат и споменици на личности од Втора Светска војна.

Ахмети рече дека е дојдено времето Албанец да биде премиер. Така и ДУИ лани сметаше дека е дојдено време нивен емисар да располага со буџет од 10 до 15 милиони евра годишно, колку што легнуваат на сметката на ФФМ по разни основи. Со тоа ДУИ покажа невидена дрскост кога јавно се фали со партиско освојување на власта во ФФМ, без страв од последици по македонскиот фудбал.

Сите го знаеме како Дикембе Мутомбо, а Љубомир Николовски во еден пренос го кажа цело него име кое гласи вака: Дикембе Мутомбо Мполондо Мукамба Жан-Жак Вамутомбо. 218 см високиот легендаре центар од Конго е еден од најдобрите блокери и дефанзивни играчи на сите времиња.

Фудбалскиот клуб во кој играчкото и тренерско име го изгради Јирген Клоп а долги години капитен и клупска икона беше Николче Новески, се соочува со непријатности од свој навивач.

Сè е тука јасно, ама се додека двајца стојат зад идејата и реализацијата, потоа џабе трудот. А од што изгорија од желба да ги сопрат, останаа и без голман на гол.

Додека се натпреварувала во најдобрата автомобилистичка категорија во Австралија, таа често била мета на сексистички испади на мажите, а шефовите на тимовите ја гледале како жива кукла за привлекување спонзори, после што таа изгубила интерес за авто-трките.

Така е тоа кај нив. Прво ги учат навивачките песни за Наполи, а потоа азбуката. Малиов ја најавува својата поддршка на Сан Паоло до кај 2100-та година. Само здравје да го служи.

Претседателот на најпознатата промоција на мешовити борби УФЦ, Дејна Вајт долго време работеше на идејата за “Остров на борците“ и конечно ја откри супер дестинацијата каде ќе има спектакуларни борби: Островот Јас во Абу Даби.

ПСЖ е прогласен за шампион предвреме, ама има ли поголем шампион од уругвајската ѕвезда? Има пари и луксузи за терање колку сака, ама тој периодов повеќе го влече селскиот и оригинален живот во местото од каде потекнува. Овци зема да стриже.