Зарем е можно Пандев да не го игра мечот на кариерата за Македонија?

Неубави вести пристигнуваат од Италија во очи на финалето на Македонија против Грузија за пласман на ЕП 2021. 

Италијанскиот новинар Танкреди Палмери кој важи за еден од најпознатите кој вади инсајдерски информации, тврди дека Горан Пандев е еден од фудбалерите во Серија А кој нема да може да ги исполни следните репрезентативни обврски. 

Танкреди на Твитер тврди дека ова е одлука на регионалните здравствени власти во повеќе италијански региони, кои им забраниле патувања на репрезентативци кои се членови на Џенова, Фиорентина, Сасуоло, Рома, Лацио и Интер, бидејќи во овие клубови има барем еден позитивен на Ковид 19.

Сега останува официјална потврда за оваа новинарска објава од Џенова, а и од ФФМ, а последниот збор можно е да го има УЕФА. Во случај да не му биде дозволено да патува, нашиот капитен ќе го пропушти финалниот меч на Македонија против Грузија кој се игра в четврток.

Тоа би било голем хендикеп за нашата селекција, а истовремено и големо разочарување за Пандев кој ја продолжи кариерата за уште една сезона за да се бори за пласман на ЕП.

8 ноември 2020 - 20:05

Штета ако сте пропуштиле

Како е да се живее во ЕУ со 165 евра месечно?

Македонија одбива да умре

Купче интимни контакти

Илон Маск им објави војна на соросоидите