По половина век работа како спортски новинар и коментатор, Зоран Михајлов дочека да не го пуштат на стадион каде отишол да известува. Немал акредитација за мечот Вардар – Борец. Таа што им ја покажал од АИПС со која има влезено на Ел Класико не важела.

Костакурта, Капело, Дел Пјеро, сите гости во очекување што ли ќе искоментира Џенаро на тоа што Пирло го назначија за нов тренер на Јувентус. Нема кај него дипломатски одговор, честито или слично, туку ваква реакција: Епа сега се заебал.

И така Нејмар си поигра со топката и изведе чудесен потег, а Херера ја дувна со лева во гол. Штета ќе беше ако никој не го снимеше ова.

Џиџи Буфон роден: 28 јануари 1978. Неговиот нов тренер во Јувентус, Андреа Пирло роден: 19 мај 1979.

Лео вечерва за седум минути му стегна два комада на Наполи. Вториот му го поништија со ВАР поради наводно играње со рака, а на првиот фалеше уште Гатузо да се обиде да му влезе со клизачи. Нема лимити за човеков.

Барселона и Баерн се екипите кои ќе ги вкрстат копјата во четвртфиналето на ЛШ. Пет души не можеа да го сопрат Меси први вториот гол на мечот. Елиф Елмас го почувствува Камп Ноу во последните десетина минути. Баварците немилосрдни.

Децава не се од Европа или Бразил, ниту пак се сениори, туку средношколска екипа од САД, која да повториме, заслужува чиста 5-ка по физичко, без да треба да полага.

Два гиганти за кои само трофејот е успех, се простуваат уште во осминафиналињата во ЛШ кои завршија 2:1. Реал без Рамос беше хотел промаја во одбрана и прими два гола после недозволени киксови на Варан, а Јуве направи пресврт со двата гола на Роналдо, недоволни за топ 8.

Лион го замрзна Јувентус стадиум со 0:1, а Роналдо од пенал израмни на 1:1, резултат со кој се отиде на пауза. Но Јувентус можеше да израмни порано, ако Бернардески го финишираше овој страшен соло продор во кој легна пола екипа со се голманот. Лео Меси ќе му честиташе ако ја дадеше.

Вардарци се сеќаваат и на Твитер потсетуваат, а ние со задоцнување од еден ден им го гледаме твитот кој не врати на тој историски 6 август 2003-та, кога сите патишта водеа накај Градскиот стадион во Скопје. Каков делириум беше тоа, само тој што беше знае.

Петок 21:00: Јувентус - Лион и Манчестер Сити - Реал Мадрид. Сабота 21:00: Барселона - Наполи и Баерн Минхен - Челси. Имате по два телевизори дома така?

Шпанско италијанската пресметка од осминафиналето во Лига Европа се одигра на неутрален терен во Дуисбург. Германците го пробуваа семафорот дали е исправен и го впишаа резултатот 2:0. Да, го погодија, така заврши, ама не за Рома.

Ова обично мајсторите го прават на тренинг или на уличен фристајл, ама на српскиот фудбалер Милош Нинковиќ кој настапува за Сиднеј му успеа во игра. Импресивна игра со врат, грб, рамо и образ.

Беше член на клубови во Премиер лига, Серија А и Ла Лига, но со вакви јавно фалење со голотии си ја закопа кариерата во Европа на само 23 години.

Португалецот има 33 години и ја игра својата втора сезона за Орландо Сити, а според ова што го покажува, изгледа дека препрано се откажале европските клубови од него. Потезиве и головиве му се Кристијано Роналдо.

Балканската НБА битка Нуркиќ vs Јокиќ ја доби Босанецот со победа на Портланд над Денвер од 125:115. Потегот на вечерта за кој сите зборуваат го направи токму Јусуф Нуркиќ кој го уништи в лице еден од највисоките центри, Бол Бол, висок 218 см. 

Ги викаат Милионери, а со оглед на тоа како работат ептен им стои прекарот, затоа што секогаш мислат како касата да им остане полна. Може да им ги купуваат најдобрите, ама не можат да им ја земат душата.

На 17 април 2006-та на возраст од 16 години и 275 дена стана втор најмлад играч кој настапил за Саутемптон, после Тео Волкот кој беше постар 132 дена. Четири месеци подоцна, на 6 август со наполнети 17 години, го постигна првиот гол во кариерата во Чемпионшип пресметката против Дерби. Голот нема што да ви го опишуваме. За деби гол ова е живи радости, плус тинејџер.

Август е месец кој потсетува на многу Супер куп соочувања, а едно такво се одигра токму на денешен ден пред 9 години. Протагонисти Интер и Милан во Пекинг со големи фудбалски имиња. Единствен кој и сега е во Милано? Ибра. Стрелец? Ибра. Man of the match? Ибра.

Лос Анџелес Лејкерс загуби од Оклахома со 105:86, што е за нивни најмал број на постигнати поени од 2016-та. Леброн Џејмс постигна 19 поени, а најчудниот потег на мечот го направи Дени Грин кој во една контра подаде топка во празно.

За три месеци ќе наполни 39 и уште нема најави за пензија, а е напаѓач. На 18 средби во Серија А даде 10 гола, внесе живост во соблекувалната и го подигна нивото на Милан. Како ја одржува формата? Со вежби додека е на одмор, кој само што му почна. Годините му се само бројка.

Премногу му беше јака партијата против Сакраменто, па смешниов влез под кош остана некако незабележан. Ама тука е Шек кој го твитна за да го ремети, а Дончиќ пак го ретвитна и се изнасмеа.

Интер, Манчестер Јунајтед, Шахтјор и Копенхаген се првите четвртфиналисти во Лига Европа. Најнеизвесно беше на Меаца каде гостите во 76-та утнаа пенал за 1:1, а во Доњецк финишот беше лудачки. Шахтјор ги наполни гостите со 3 комада од 89-та до 93-та.