Ај сега да одмориме со Лига на нации затоа што имаме врвна локална приказна во која јунак е Драгиша Косниќ, веројатно најиздржливиот фудбалер со кариера долга фасцинантни 52 години. Син му се откажал уште во младинци, а тој нема намера да застане.

Македонската радио телевизија (МРТ) ја израдува спортската јавност во земјава, откако соопштија дека ќе ги даваат натпреварите на македонските клубови во еврокуповите.

Шпанскиот прволигаш и повремен учесник во Лига Европа, Хетафе, одлучил привремено да го смени името на клубот, па до следниов викенд и мечот против Барселона во Ла Лига, ќе се вика Фе. Овој збор „Фе“ во шпански значи верба а управата соопштила дека се решиле на ова за да им помогнат на сите кои во 2020-та година поминуваат низ тешко време поради глобалната вирусна пандемија, како и на навивачите да веруваат во триумф над Барса.

Имаат 500 и кусур илјади жители, 186-то место се на ФИФА и годинава го имаа победено само Гибралтар. Толку многу чекаа и посакуваа гостинска победа, што стрелецот ќе го задушеа кога му направија туш.

Сериозно обемна научна студија покажала дека едно сецкање на мечот за прегледување на ВАР трае во просек 40-ина секунди. А активно се игра фудбал 52-56 минути, прекините за спремање слободен удар, аут, прекршоци, изведување корнери итн. изнесува 30 минути. Па стрпете се за поправеден фудбал.

Милош Раониќ го победи Џеј-Џеј Волф со 7-6, 6:1 и се пласираше во 2. коло на турнирот во Санкт Петербург, а интересен момент имаше на конференцијата за новинари.

Давид Ѓоргоќески тренира бокс во боксерскиот клуб „Универзалци“ од Скопје и успеа да урне балкански рекорд со направени 2.604 склекови за 60 минути, со паузи се разбира. Следен предизвик му е гинисовиот рекорд од 2.919 склекови. Што дете ќе беше. Тело малтер.

Аргентина после пресврт едвај успеа да победи 1-2 на тешкото гостување во Ла Паз (3.640 м/ндвм). Боливија поведе 1-0 со голот на капитенот Мартинс Морено во 24’ минута, а Лаутаро Мартинез израмни на истекиот на првиот дел во 45’ минута. Во второ Жоакин Кореа ги постави конечните 1-2.

Младинската У21 репрезентација на Бугарија одигра 1-1 на гостувањето кај Полска, а овој меч го одбележи супер-соло голот на Здравко Димитров, фудбалерот на Левски Софија кој направи дар мар во полската одбрана во првиот дел.

Швајцарија синоќа и одигра 3:3 на Германија на гости, а во 26 минута имаше предност од 0:2 по една контра во која фудбалерот на Аталанта Ремо Фројлер ептен мангупски му одигра на еден од најдобрите голмани во светот.

Германската фудбалска репрезентација губеше 0-2 од Швајцарија во 4. коло од Лига Нации, ама на крајот се избори за реми 3-3 и важен бод во групата каде Украина со 1-0 ја смрзна Шпанија. Бод на Германците им донесе Серж Гнабри со фантастичен гол.

Германската тениска легенда дава оценки за секој аспект од играта на двајцата монструми кои од 2003-та до сега освоија заедно 40 од вкупно 69 Гренд Слем титули. Толку е тесно што му излезе 85:84 за Роџер.

13 октомври е датум кој цел живот ќе не потсеќа на првиот репрезентативен двобој на Македонија. Но тоа е верглана тема и затоа одиме 20 години подоцна, за да потсетиме зошто пак се собра тоа легендарно друштво.

Ред Ауербах бил најинтригантниот НБА тренер на сите времиња. Тој е основополжник на современиот баскет а неговата итрина со пура да покажува надмоќ и да ги иритира противниците на сред паркет денес стана неизбежна традиција при прославата на шампионски прстен во НБА.

Во јануари 1984 година како светска ѕвезда и еден од најдобрите фудбалери на планетата, Диего Армандо Марадона побарал од ФИФА и Наполи да одигра една пријателска, ревијална средба со цел да се соберат средства за лекување на болно дете. И ФИФА и клубот го одбиле, па Аргентинецот решил да заигра пред зграда кај детето на калливо игралиште. Се собрале 4.000 гледачи!

Студената војна меѓу Месут и Арсенал продолжува. Некогашниот репрезентативец на Германија кој освои Светско првенство, сега 7 месеци не играл за „топџиите“ и постојано ја критикува управата преку медиумите.

Репрезентативните дуели на Оливие Жиру му донесоа второ место на листата на најдобри стрелци, откако го мина Платини со 42 гола и пред него е само Анри со 51. Но тој стана и еден од осуммината Французи со минимум 100 репрезентативни настапи.

За време на мечот Франција - Португалија од Лига Нации, на теренот се сретнаа Кристијано Роналдо и Килијан Мбапе. Францускиот бисер беше пресреќен што разговарал со својот идол.

Веспрем одигра натпревар од домашното првенство на кој го здроби Балатонфуреди со 38:11, а камерите го уловија српскиот ракометар Петар Ненадиќ тотално лежерен без воопшто да се замара во одбрана. Рацете на половина и мислиш со другарите е излезен на клупи во маало.

Второлигашниот натпревар меѓу Динамо Врање и Железничар Панчево го донесе најтрагикомичниот автогол на годината во цел свет. Голманот на домаќините, Мирослав Орлиќ никој не го зборува по тоа што се фрли како мачка во истата акција, туку по циркузантскиот потег со рака.

Најдобриот снукер играч во историјата, синоќа на Отвореното првенство на Англија играше со лакирани нокти во розева боја. Изјави дека го направил тоа во знак на поддршка на кампањата за борба против рак на дојките кај жените.

Додека ние ја гледавме нашата фудбалска репрезентација а во Лос Анџелес сите очи беа свртени кон финалето Лејкерс - Мајами Хит во Орландо, младиот Дени Мусовски постигна 2 нови гола за Лос Анџелес ФЦ. Славеа 3-1 против Сиетл Саундерс а Мусовски беше играч на мечот. Можеби ова ќе ги буцне луѓето од ФФМ да му се јават, да го побараат.

Два титани со најмногу меѓусебни дуели во историјата на машкиот тенис. Рафаел синоќа во Париз го испраши индиспонираниот Новак како ретко кога во кариерата (Од 300 и кусур натпревари на Гренд Слем, Ѓоковиќ само четири пати изгубил сет со 6:0). А финалето изобилуваше со убави поени, како и секогаш кога играат Шпанецот и Србинот.

Во финалето на Ролан Гарос, неверојатниот Рафаел Надал во три сета убедливо го совлада Новак Ѓоковиќ (6:0, 6:2 и 7:5) и го освои 20-от Гренд Слем во кариерата со што се израмни со Роџер Федерер.