Јувентус со 4-0 го испраши Каљари во Купто на Италија и обезбеди пласман во четвртфиналето. Душан Влаховиќ ја отвори серијата на својот тим и се смири со тифозите кои го скандираа неговото име. Аргентинецот Николас Нико Гонзалес кој се врати после повредата постигна прекрасен гол за конечни 4-0 во 89' минута.

За разлика од церемонијата „Златна топка“ која се одржа на 28. октомври во Париз, Реал Мадрид и Винисиус овојпат не го бојкотираа настанот во организација на ФИФА наречен The Best.

Бумот на Баер Леверкузен оваа година и официјално е измерен и потврден и од Гугл. Ниту еден друг клуб од Европа не е кликан колку нив.

Трансфер преговорите во фудбалот понекогаш не се такви какви што мислиме. Впрочем кој би рекол дека селектор ќе му кажува на играч кај да оди, посебно што во муабетов се работи за имиња како Марчело Липи и Сер Алекс Фергусон. Даниеле Де Роси, тогаш 22 годишен, имал скроз неочекувана средба со двајцата за време на Светското 2006-та и тоа во некоја просторија на аеродром.

Фин Ватчов е менаџер за маркетинг на социјални медиуми кој живее во Македонија и учи македонски. Воодушевен е од атмосферата на големото ракометно дерби во Боро Чурлевски. Оди на ракомет и во Скопје, потоа на Градски да ја гледа Македонија - Летонија, а снима и во хотелот на Горан Пандев во Струмица.

Болоња по историската сезона, сега игра во Лига на шампиони, деценискиот сон на многу навивачи на овој клуб конечно се оствари. Пред дуелот Бенфика - Болоња во елитната Лига на шампиони РАИ анкетира разни возрасни категории за исходот на дуелот. Бенфика - Болоња? Што ќе биде? „Ја сум за една п**ка“ каква прогноза“, одбруси стариот и ги смрзна сите во студиото.

Холандскиот Цволе кој игра во најдобрата холандска лига има традиција, на секој последен домашен натпревар во календарската година да им посвети дел од натпреварот на сите починати навивачи на клубот таа година. Во 2024-та година тоа беше дуелот против Вилјем II. Пред почетокот има минута молк, на стадионот се гасат рефлекторите, секој навивач мавта со светло од својот мобилен и ја пее You''ll Never Walk Alone, познатата навивачка химна.

Денвер Нагетс пак си играше со нервите на своите навивачи откако во драматичен меч го совлада Сакраменто Кингс 130:129. На гостински терен Никола Јокиќ стигна до својот 140. трипл-дабл во НБА кариерата, а јунак на мечот беше Џамал Мареј кој го постигна победничкиот кош.

Ескишехирспор е турски познат клуб. Има освоени шест трофеи во турскиот фудбал и е на шесто место на вечната листа најтрофејни клубови во Турција. 16 години беше прволигаш но потоа следувал голем пад и со години биле во пониски лиги. Во моментов се во петта лига каде се исфрлени поради неисплаќање обврски кон поранешни играчи и тренери.

Требаше да биде дерби на колото меѓу две екипи во топ форма и со ист број на бодови, но се претвори во кошмар за домаќините кои не паметат ваков пораз во Рим.

Навивач на Јувентус ги ремети гостите од Венеција за високите количества на вода во нивните канали, кои надојдоа како резултат на климатските промени. Фали поширок кадар, да видиме, можеби и пераи има ставено.

Адриано во опуштено издание и гол, класика. Десно од него е  Марко Матераци, а лево Цезар и двајцата поранешни клупски колеги од Интер. Во Рио се за неговиот проштален натпревар на Маракана.

Пеп Гвардиола зборува за повредата на Родри кој одиграл 75 натпревари минатата сезона, а од таму право на Европско кое го играше до крај. И општо за набиениот распоред со купишта мечеви. Во право е што често критикува на оваа тема, бидејќи фрчат повреди на сите страни. Реал на пример сезонава брои вкупно 26 повреди.

Легендарниот шпански фудбалер Хесус Навас го одигра својот последен домашен меч за Севиља на стадионот „Рамон Санчез - Пизхуан“. Двократниот европски и еднократен светски шампион со Шпанија и неколкукратен освојувач на Лига Европа во Севиља игра 18 сезони (од 2003/2004 до 2024/2025).

Европскиот првак со Шпанија, Марк Кукуреља во Премиер лигата важи за еден од поомразените фудбалери и кај навивачите и кај играчите. Тој на мечот Челси - Брентфорд во финишот кога неговиот тим бранеше предност од 2-1 изглуми фаул и го намести противничкиот играч Јанелт поради што овој доби жолт картон. Глумата на Шпанецот ги изиритира фудбалерите на Брентфорд, настана гужва во која и самиот Кукуреља доби втор жолт и црвен картон на крајот.

На 16 декември, 2022-ра, на два дена пред спектакуларното финале меѓу Аргентина и Франција во Катар, замина големиот Синиша Михајловиќ. Европски првак со Црвена Ѕвезда, шампион на Италија со Лацио, симбол на славните ју времиња, неприкосновен изведувач на слободни удари, успешен тренер, фајтер во душа, почитуван во фудбалскиот свет. Жалеше само за една работа во животот која ја објасни во тв гостување во Италија пред 5 години.

Проценката на полицијата во Глазгов е дека на улиците на Глазгов се судриле околу 150 членови на групата Зелена Бригада (Селтик) и Унион Беарс (Ренџерс). Судирот бил толку жесток што и самите присутни полицајци решиле да се повлечат пред да стигне засилување.

Како одминува сезоната, така големите екипи сè повеќе паѓаат во форма. Изминатиов викенд со половичен успех или без бодови останаа Баерн Минхен, Арсенал, Ливерпул, Реал Мадрид. Најголемо изненадување приреди Леганес кој со 0-1 ја совлада Барселона и ја продолжи мини кризата на Каталонците кои на последните 8 меча имаат само една победа а ова им беше втор пораз по ред на домашен терен.

На денот кога Милан прослави 125-годишен роденен, пред мечот против Џенова кој заврши 0-0 имаше низа настани на теренот со кои се одбележа големиот јубилеј. Но навивачите на Милан обединети под групата Курва Суд (Јужна трибина) надвор од стадионот а подоцна и на трибини го искажаа револтот од управата на чело со италијанскиот Американец Гери Кардинале.

После ремито на Реал против Рајо, Барса дома киксна со Леганес и загуби 0:1 со гол во 4 минута. Не се во добра серија, имаат само една победа на последните 6 првенствени средби. Издвојуваме четири промашувања на фаворитот.

Суперѕвездата го водеше својот Далас Маверикс до 17. победа во сезоната откако синоќа на гостински паркет во Сан Франциско славеа 143:133. Овој натпревар влезе во историските книги.

Неколкукратниот шампион на Македонија, Силекс Кратово има фина, пристојна клупска историја. На времето во поранешна Југославија Кратовци играа во трета лига, а во сезоната 1988/1989 стигнале дури и до четвртфиналето на Купот на Југославија притоа елиминирајќи го силниот Жељезничар Сараево. Кратовци биле хит во тоа време како кога денес некој третолигаш ќе урне голем фаворит. Цел град бил на нозе. Убави времиња.

Легендарниот стадион Маракана во Рио де Жаниеро беше домаќин на пријателски натпревар во чест на славниот бразилски напаѓач Адриано, кој го одигра својот последен натпревар.

Комити објавија видео од пред влезот на салата Боро Чурлевски на дербито меѓу Еурофарм Пелистер и Вардар. На него може да се забележи член на обезбедување претворен во силеџија кој тепа луѓе со пендрек во очи на ракометниот празник. За какво одговарање и суспендирање од работа би се правело муабет, кога на полицаецот до него не му чуе.