Триесет и три годишниот Салах ја соопштил оваа вест со цел што е можно потранспарентно да им објави на навивачите и на тој начин да им заблагодари за односот и да ги подготви за прошталниот натпревар пред крајот на сезоната.
Тој дојде во Ливерпул од Рома во летото 2017-та. Со бројот 11 на грбот стана еден од најголемите фудбалери во историјата на Ливерпул. Најзаслужен беше за 2 шампионски титули на црвените во Премиер лига, пехар во Лига на шампиони, трофеј на ФИФА Светско клупско првенство, пехар во УЕФА Супер Куп, трофеј во ФА Купот и два пехари во Лига Купот на Англија како и два во Комјунити Шилд.
На 435 натпревари досега постигна 255 гола и е трет најдобар стрелец на вечната листа на Ливерпул. Во четири наврати ја доби Златната Копачка во Премиер лига.
