До толку се одвикнавме од преполни трибини во Европа што финалето на англискиот ФА Куп каде Лестер со 1-0 го совлада Челси беше право уживање за фудбалските гурмани.

Знаеме дека Алиоски е откачен, ама ова во Премиер лига некако? М? Инаку Барнли - Лидс конечни 0:4. Покрај тролов, Алиоски имаше и еден обид за гол кој се претвори во асистенција и еден не баш популарен удар.

Џенова и Аталанта одиграа натпревар со голеада кој заврши 3:4. Домаќините се спасија минатото коло, а триумфот на Аталанта беше од клучно значење во битката за ЛШ. Горан Пандев влезе во игра на стартот на вториот дел и го намали резултатот од пенал во 67-ма минута.

Се вика „We Are The People“, ја пее Боно Вокс, го има познатиот гитарист Дејвид Хјуел Еванс, а автор на песната е холандскиот Ди-Џеј Мартин Гарикс.  Инаку во спотот се појавува и поранешен ирски репрезентативец Џејсон МекАтир, кој го постигна клучниот гол против Холандија со кој Ирска отиде на СП 2002 година.

Ги гледаш и си викаш: Барса ли е, Ал Сад ли е?

Монако синоќа славеше 1:5 против четвртолигаш и обезбеди пласман во финалето на Купот на Франција. Кевин Воланд не беше меѓу стрелците. Имаше голем проблем со нишанот.

Млад бразилски фудбалер кој од Грција преку Литванија стигна до израелската лига, објави видео на кое покажува колку ужасно е разрушен неговиот дом во Петах Тиква од страна на ракетите кои ги испалил Хамас.

Легендарниот фудбалер периодов е барана личност од новинарите од соседните земји кои се интересираат како дошло до тоа Вардар да испадне од прва лига.

Што викаше Фабио Капело, во едно семејство има кавги и дискусии, а не па во еден фудбалски тим составен од 30-ина фудбалери и тренери. Интер освои титула, прослави скудето, ама се 'рчнаа Конте и Лаутаро Мартинез.

Се сеќавате на Едуардо Варгас од Наполи, кој потоа играше за Валенсија и Хофенхајм? Член е на Атлетико Минеиро и нема баш респект кон голманите. 

После неколку месечна неодлучност, УЕФА конечно објави официјално каде ќе се одигра големото финале на Лига на шампиони за сезоната 2020/2021. Местото и локацијата се одлични, а ќе има и публика.

Борусија Дортмунд го освои Купот на Германија, вкупно петти во својата историја и прв после сезоната 2016/2017, а во финале го совлада Лајпциг со 4:1. Ќе го издвоиме голот на Халанд за 2:0 во дуел со Дајо Упамекано кој и официјално на 1 јули преминува во Баерн за 42 милиони евра. Го понижи.

Ракометарите на Нант одиграа сјаен натпревар во четвртфиналето против Веспрем (32:28) а еден од најдобрите поединци во францускиот состав беше нашиот селектор и капитен Кирил Лазаров со 4 постигнати гола.

Уште 29 дена до Европско...

Синиша и Аријана имаат три ќерки и два сина. Епа Вирџинија е трудна, а од веста направи видео во кое ја има реакцијата на најблиските. „Што бе, се шегувате? Годинава? Ми доаѓа да плачам“, вели стратегот на Болоња.

Каљари се бори за опстанок и Фиорентина се бори за опстанок. Се сеќавате на Шведска - Данска 2:2, така? А да е само таа. Абе се плашеле да шутнат кон гол. Победи стравот, вели еден наслов.

Фудбалерите на ПСЖ дури на пенали успеаа да го совладаат Монпеље и да обезбедат пласман во финалето на Купот на Франција. Во 93-та минута на 2:2, беше драма и пол. Домаќините спасија чист гол на гол линија, откако голманот веќе беше совладан.

Со головите на Ѕапакоста и Шомуродов, Џенова оствари гостинска победа против Болоња од 0:2, вредна злато. На 3 кола до крај можат слободно да се опуштат и да играат без притисок, бидејќи обезбедија математички опстанок во Серија А. Пандев играше 70 минути.

Шампионот на Холандија го претвори пехарот освоен во домашното првенство во 42.000 сребрени ѕвездички кои ги подели на сите навивачи кои поседуваат сезонска карта, а кои не можеа да присуствуваат на арената „Јохан Крохф“ поради пандемијата. Каков третман за навивачите. Секоја чест цареци. Господски потег.

Историјата на ракометниот великан во елитното натпреварување почнува во дресот на Борец Велес против Динамо Букурешт кога имал само 15 години. И сега на 41, кои ги наполни пред два дена, во дресот на Нант против Веспрем ќе го игра 17-то четврфинале, што е апсолутен рекорд.

Во последните 5 минути од мечот меѓу Ти Три Гали - Аделаиде Кроација Вукови во австралиска аматерска лига, главниот судија исклучил 7 играчи од гостинскиот тим.

Легендарниот голман, можеби најдобар чувар на мрежата на сите времиња во историјата на фудбалот, по сè изгледа носи дефинитивен крај. За разлика од минатиот пат, сега речиси сигурно ќе се збогува со бубамарата.

Со цел поддршка на македонскиот фудбал и создавање услови за нови успеси и победи на сегашните и на идните генерации фудбалери, Комерцијална банка АД Скопје и Фудбалската федерација на Македонија склучија Договор за спонзорство за наредните три години.

Нетипичен е фудбалскиот пат на францускиот фудбалер Флорен Индалесио. Денес слики на Инстаграм, гол со вреќи малтер на 34 степени, утре во дрес на Њукасл, ама не на градилиште, туку во базата на премиерлигашот. Упорен јунак, ама треба некој и да те препорача.