Зошто Манчестер Јунајтед го извади огромниот постер од Роналдо на Олд Трафорд?

Специфични, доста специфични денови за Кристијано Роналдо, ама и за медиумите, кои лесно знаат да се насанкаат на фотка или клип, кои на прва сугерираат дека сега сите се против португалската ѕвезда.

ЕСПН објави клип на кој јасно се гледа како се отстранува големиот постер од Роналдо на Олд Трафорд, по што човек веднаш помислува дека тиквата е скроз пукната и веќе нема назад.

Скајспорт вели дека ова се случува на денот кога излезе цело видео парче од првиот дел од интервјуто на Роналдо во кое ги критикува клубот и тренерот.

На ист начин го поврзува постерот со интервјуто и Дејли Мејл

Пирс Морган го опиша гестот на Манчестер Јунајтед како ситен.

Но goal.com вели нешто сосема друго за разлика од многу медиуми на островот.

Џиновската слика на која се наоѓа Роналдо заедно со Дејвид Бекам и Брајан Робсон, Манчестер Јунајтед секако планирал да ја отстрани оваа недела, поради финалето на Светскиот куп во рагби кое се игра во сабота на Олд Трафорд.

Првиот дел од интервјуто на Роналдо само во првите 12 часа го гледале 4 милиони луѓе.

17 ноември 2022 - 09:43

Штета ако сте пропуштиле

„ЦРВЕНО И ЦРНО“ (збирка колумни) од Борис Дежуловиќ

Амди версус Маја

Еволуцијата на женскиот субјект во турбо-фолкот

Добриот град далеку се слуша