Ново голчиште и нов ветерански рекорд на неуморниот Златан Ибрахимовиќ кој стигна до шести гол сезонава на девет настапи. Внимавајте добро на новиот рекорд кој вели вака: Има 31 постигнат гол во Серија А, откако наполнил 38 години, заедно со Силвио Пиола.

Сакраменто Кингс изгуби од ЛА Лејкерс кои играа без својот лидер Леброн Џејмс. Ај што изгубија, ама „кралевите“ во еден момент останаа и без Девион Мичел, нивниот пик на летошниот драфт во НБА. Тој се повреди откако згазна на ногата на еден од судиите.

„Чекај Панчев тогаш Златна топка освои? Не, не, Златна копачка. Платини му ја врачи во Скопје“. Така звучеше и уште звучи дилемата на оние кои знаат да ги помешаат брзините. Па да се навратиме на таа 1991, да се потсетиме и да разјасниме ако уште некој се меша што значи топка и копачка, ама златна.

И покрај тоа што репрезентативните пресметки за годинава завршија, УЕФА на својот официјален Твитер профил потсетува на некои од најјаките партии на некои играчи. Меѓу нив се најде и Енис Барди кој се прикажа во извонредно голгетерско светло против Ерменија.

Во разговор со Алдо Кацуло од Кориере Дела Сера, Златан Ибрахимовиќ опфати неколку теми меѓу кои и неговата нова биографска книга „Адреналин“ пишана во соработка со италијанскиот новинар Луиџи Гарландо.

По поразот дома од Аталанта, Јувентус се врати на победничките патеки на гости против Салернитана со 0:2. Убави се и двата гола, а жртва е голманот кој беше немоќен да ги спречи овие две сосема различни мајстории.

Единаесеттиот месец од годината пружи преубав фудбал и фантастични натпревари во најгледаната лига на светот - Премиер лига. Паднаа толку добри голови што просто право уживање е видеото од спортскиот канал Спортклуб во кое се склопени сите врвни погодоци од месец ноември.

Македонскиот бисер Елиф Елмас вечерва ќе го одбележи својот прв голем јубилеј откако е дојден во градот под Везув, на југот од Италија. На мечот Сасуоло - Наполи некогашниот фудбалер на Работнички и Фенербахче, ќе го одигра својот 100. меч во дресот на Наполи.

Македонските репрезентативци на Балканот ова коло се претплатија само на атрактивни и тоа доста атрактивни голови. По двете велемајстории на Јани Атаносов во Хрватска, да обрнеме внимание и на прекасниот потег на Доријан Бабунски кој го постигнува седмиот гол сезонава за Ботев Враца.

Хајдук и Локомотива Загреб приредија спектакл со 9 погодоци и конечен резултат 6:3, а топ тема во хрватскиот печат е македонскиот талент кој импресионираше со два лудачки голчишта.

Му го дадоа само второто полувреме, а тој возврати со 5 гола, 3 асистенции и клучен проектил во финишот од 9 метри, за бод на гостувањето кај екипата на Гог во Европската лига, 29:29. Ете тоа е Кире Лазаров, човекот кој е навлезен во 42-рата година од животот.

Далас Маверикс поминува низ многу тежок период со дури 5 порази на последните 6 меча. Синоќа убедливо изгубија 114-96 од Кливленд Кавс. Дончиќ имаше јак меч со трипл-дабл: 25 поени, 10 скока и 10 асистенции. Пред дуелот стигна да шутира тројки со прославениот холивудски глумеџ Џејми Фокс (53) кој се покажа како добар тројкаш.

Високиот Литванец Јонас Валанчунас постигна рекордни во кариерата 39 поени, со 15 скока и 3 асистенции во победата на Њу Орлеанс Пеликанс над ЛА Клиперс 123-104.

Не е Неста, ниту Михајловиќ, а најмалку Јап Стам, туку Патрик. Стопер на Лацио, светлосни години далеку по квалитет од многу негови претходници. На старт на натпревар во рок од 3 минути примаaт два гола од Наполи, а дрвцево му одзема топка на Инсиње и глуми Рамос. Цела Италија му се смее.

На мечот Хјустон Рокетс - Оклахома Сити Тандер кој заврши 102-89 за „ракетите“, се случи интересен момент. На 90 секунди пред крајот, на 15+ поени предност за Хјустон, гостите промашија шут за три поени, топката се одби близу до Алперен Шенгун но сите соиграчи бараа Кевин Портер Џуниор да ја собере за да може да го комплетира својот прв трипл-дабл во кариерата: 11 поени, 10 скока и 11 асистенции (4/17 од игра)

Многу луѓе сметаат дека најпрестижната индивидуална награда, заедно со онаа на ФИФА, највеќе ја заслужил Левандовски. Но има и такви кои аргументирано зборуваат во корист на Меси. Да ја ѕирнеме и нивната страна.

Зоран Лукиќ има 50 години, роден е во Белград. Малку е познат на европската и балканската кошаркарска сцена. Чекор по чекор го трасирал патот дури до селекторско столче на Русија. Од домашниот Беопетрол заминал да биде тренер во вториот, резервен тим на ЦСКА Москва, па долги години го водел клубот Нижњи Новгород каде и денес е паралелно тренер.

Спиеш ли мирно Роберто Карлос?

Никола Јокиќ се врати после паузата поради повреда и на гости кај Мајами Хит го водеше својот Денвер Нагетс до триумф 120-111. Јокиќ уфрли 24 поени, 15 скока и 7 асистенции. Неговото гостување во Мајами беше долгоочекувано после големиот инцидент кога го удри Маркиф Морис на првиот нивен дуел во Денвер.

18 пласираниот Гезтепе одигра 1:1 против фаворитот Фенербахче кој котира на четвртата позиција на во турскиот шампионат. Головите паднаа во 40-та и 48-ма минуга, а резултатот го отвори Адис Јаховиќ кој добро се снајде. Украде топка, го мина чуварот и одлично финишираше. Се надеваме на вакви партии и во дресот на Македонија.

Франс Фудбал на буквално неколку часа пред свечената церемонија за доделување награди за најдобрите фудбалери во изминатата 2021-ва воведе нова награда - пазете: за најдобар напаѓач со која сакаше колку толку да го обели образот што главната награда Златна топка не оди кај најзаслужниот за неа. Не стигнале на време да организираат награда за најдобар играч од среден ред и најдобар дефанзивец на годината.

Изненадување во изборот на топ 30 играчи на годината беше името на Кјаер. Но неговото присуство нема врска со фудбал. Стоперот на Милан и селекцијата на Данска, прв истрча за да му го спаси животот на Ериксен на Европското првенство. Дидие Дрогба го нарече херој кој ја направил разликата, хајлајт за 2021-ва според него.

А „Франс Фудбал“ доделува ли награда за асистенција на годината? Лисандро Лопез од аргентинскиот прволигаш Расинг сака да ви покаже нешто.

Во 9. коло од албанската трета лига, клубот Прмети од градот Премет го пречекал тимот на Лаберија. Гостите победиле 0-2 а видео снимки од мечот го обиколија светот. Услови за игра? Базен за ватерполо.