Шведски Дјургарден одигра фантастично во Лига на Конференции и оствари пет победи со едно реми. Со вкупно 16 бода во првата историска евро сезона за нив се пласираа во нокаут фазата. Синоќа во последното коло го победија Шамрок 1:0, а после мечот мегафонот го зеде 24-годишниот голман Јакоб Видел Зитерструм.

Реал Мадрид со 5-1 лесно го растури Селтик во последното коло од Лига на шампиони. Овој меч ќе се памети по тоа што го судеше жена-судијка, Французинката Стефани Фрапар која во првите 30 минути досуди три пенали. Два за Реал, еден за Селтик. Гостинскиот фудбалер, хрватскиот репрезентативец Јосип Јурановиќ промаши, односо Тибо Куртоа му одбрани по сугестија од Модриќ.

Ако сакате да слушнете една добро позната генијална кошаркарска приказна, од оние уникатните и неповторливи од старо време, тогаш следните 60 секунди претворете се во уши. Ова го можат само ликови како Џаро и Лазо Лечиќ. Србите направиле одлична визуализација.

Скопје, Љубљана, Подгорица и Цеље се домаќини на Европското ракометно првенство за жени кое се игра од денес до 20 ноември. Избраничките на Љубомир Савевски ќе се појават на меѓународна сцена во салата Борис Трајковски против Франција, Холандија и Романија. Сите три средби ги играат од 18 часот на 5, 7 и 9 ноември. Само храбро девојки.

И покрај тоа што веќе беа квалификувани за следната фаза, фудбалерите на Фиорентија го суредија Хартс на гости 0:3 уште во прво. Рикардо Сапонара ептен си го направи ќеифот. Не се брани ова.

Сите четири тима од групата Ф во Лига Европа конкурираа за пласман во нокаут фазата. Пред последното коло Лацио и Штурм беа лидери со по 8 бода а Феенорд и дански Мидтјиланд имаа по 5 бода но на крај ги стигнаа со победи.

Фенербахче максимално, без пораз со 4 победи и 2 ремија ја пројде групата Б во Лига Европа. Во последното коло турскиот тим со 0-2 го победи Динамо Киев, а стрелец на првиот гол беше младиот бисер, 17-годишниот Арда Ѓулер кој под дресот носел маичка со натпис „Мила мамо, многу те сакам“

Со голот на Киран Тирни во 17’ минута Арсенал минимално го совлада Цирих и како прв на табела во Лига Европа оди во следна фаза. На стадионот „Емирати“ гостинските навивачи од Цирих запалија еден куп пиротехника а на домашните им остана само да ги снимаат зошто ретко гледаат таков амбиент.

Манчестер Јунајтед го совлада Реал Сосиедад на гости, со деби гол на клинец кој е 19 години помлад од тој што му асистираше, а тоа е Кристијано Роналдо.

Како стопер на Барса, Пике има постигнато 52 гола, ама има еден посебен кога во стилот на Меси му крши кичма на Кордоба, а го легнува и Цезар. Се работи за полуфинале во ЛШ против Интер, сезоната 2009/2010.

Во сред сезона, сосема неочекувано, Жерар Пике соопштува дека викендов против Алмерија ќе го игра последниот меч на Камп Ноу и воопшто во кариерата. Се работи за продукт на Ла Масија, кој ќе влезе во книгата на легендите на Барселона со која освои сè што можеше, а стана и светски и европски првак со Шпанија. Се повлекува на 35 години, критикуван за игрите во последно време, но горд, со исполнет сон уште од дете, а тоа е Барса.

Фудбалерите на Келн одиграа 2:2 против Ница, а требаше да ја победат за да одат понатаму во Конференциската лига. Нервозниот Штефен Баумгарт им покажа на играчите како се прима и шутира.

Во недела во која Интер игра со Баерн во ЛШ, за интервју се бара Горан Пандев кој со неодбранлив удар ја замолчи Алијанц арената.

Може да се спори: да, Атлетико Мадрид игра деструктивен, тежок, напорен фудбал, Атлетико игра монотоно и досадно, има слаба сезона, но едно е сигурно: До Симеоне Атлетико во XXI век беше просечен клуб во Шпанија со по некој блед излет во еврокупови. Со него станаа стабилен ТОП3 клуб од Ла Лига кој е многу успешен во еврокуповите.

Мастерсот во Париз останува еден од четирите престижни турнири кои Надал никако да ги освои. Загуби неочекувано уште во второ коло од Томи Пол со 2:1. Кај загуби, па уште и не го познаа на врата.

Милан со 4-0 го растури РБ Салцбург и за првпат после долги години се пласираше во 1/8 финале на Лига на шампиони, турнирот кој росонерите го освоија 7 пати во историјата. Тоа ќе биде добра прилика и за Златан Ибрахимовиќ во 2023-та да проба да им помогне на соиграчите. 

Од старт на новата НБА сезона, Далас Маверикс има учинок од 4 победи и 3 порази. На сите 7 меча по ред Лука Дончиќ постигнува по најмалку 30 поени што во најдобрата лига на светот не се видело од 1962-ра кога Вилт Чембрлен имал ваков луд старт на сезона.

Поетот од коментаторското столче кој 42 години царуваше во спортскиот етер и во стил на шаховски мајстор ја водеше публиката во преку 2.100 преноси во разни спортови, реши да ни го направи Светското уште поинтересно.

Додека Милан - Салцбург и Шахтјор - Лајпциг водеа битки за осминафинале, во навидум решената група Х, сепак не беше сè решено. Ѕвездите на ПСЖ со 14 бодови и без пораз, во 92-ра минута паднаа втори на табела.

Во Лига на шампиони неделава се играше одличен фудбал со убави голови. Во отсуство на Ерлинг Халанд голови за победа на Сити дадоа Алварез, Марез но и едно ново дете на Пеп Гвардиола кое се прослави на вториот меч во Лига на шампиони. И за Баерн и Копенхаген играа млади деца.

И покрај забраните во самите држави внатре и од УЕФА, речиси сите навивачки групи во Европа сезонава се растурија од палење пиротехника која што е раскошен дел од секој фудбалски меч. Така синоќа во Копенхаген на мечот меѓу домаќинот и германска Борусија Дортмунд, секторот со најжестоки навивачи на данскиот тим распалија еден куп бакљи, светлечки ракети, огномет, чуда.

Некои соиграчи на Лео од репрезентација тврдат дека никогаш не го виделе толку посветен пред некој натпревар. Меси со Аргентина претходно освои Олимписко злато но ништо не можело да ја опише неговата желба да крене некој голем трофеј како капитен на „гаучосите“. И така во 2021-ва стигнаа до големо финале на Копа Америка и тоа против страшниот Бразил среде Бразил.

На Динамо Загреб му тргна добро во ЛШ, не добро, одлично, бидејќи во прво коло направија сензација на Максимир против Челси. Но во група со Челси, Милан и Салцбург, толку беа силите. Завршуваат последни со 4 бода и можат да се пофалат со екстра верни навивачи кои отпатуваа цела војска во Лондон. Не ги пуштија играчите да одат во соблекувална.