Луда тројка го реши и мечот Бостон - Атланта

Во Европа утрово се зборува за ладнокрвниот шут на капитенот на Партизан Кевин Пантер кој во последна секунда од мечот со Реал Мадрид во четвртфинале го реши победникот. А синоќа во НБА слична егзекуција имаше и од Трае Јанг, лидерот на Атланта Хокс кој ја замрзна цела „Ти Ди Арена“ во Бостон.

Селтикс водат 3-2, но серијата сега се сели во Атланта каде домашните ќе имаат можност да израмнат и да се изборат за мајсторка. Трае Јанг мечот го заврши со 28 поени и 13 асистенции а ги даде и последните 14 поени за неговиот тим.