Контроверзниот Австралиец кој често се глупира на терен, овој пат ја фрли публиката во транс. Кирјос стартуваше успешно во првото коло на Австралија опен, со победа над Лиам Броуди од Велика Британија од 3:0 во сетови, а во еден момент сервираше за овации.

Сигурно дека не сте го заборавиле најјакиот муабет од италијанската Серија од пред неколку години.

Далас Маверикс игра во тотално сјајна форма. Ја совладаа Оклахома Сити Тандер 104-102 и тоа им беше деветта победа на последните десет меча во НБА со што сериозно се зацементираа на позиција која води во плејофот. Нов трипл-дабл учинок запиша Дончиќ.

Со 25 поени, 7 скока и 7 асистенции, Леброн Џејмс беше предводник на Лејкерски во победата над Јута Џез 101:95. Расел Вестбрук постигна 15 поени, а потегот на мечот кој го изведе, може да конкурира за број 1 забивање на сезонава во НБА. Каква дрскост.

За време на една прослава на гол на Аргентинецот Лаутаро Мартинез, неговиот повисок сонародник Жоакин „Ел Туку“ Кореа го гушнал. На таа фотографија грчките медиуми приметиле тетоважа со букви од грчката азбука. Тој сакал да истетовира збор „слободен човек“ (ελεύθερος) ама истетовирал збор „бесплатно“ (δωρεάν).

Со двата гола на Лозано, Наполи синоќа освои 3 тешки бода на гостувањето кај Михајловиќ во Болоња и му се доближи на второпласираниот Милан на -2. Елиф по лево ја одигра во негов стил и го намести првиот гол.

Штутгарт тоне сè подлабоко во германската Бундеслига и со три порази на последните четири меча се наоѓа на претпоследно место на табелата со 18 бода и реални шанси за испаѓање. Последно изгубија од РБ Лајпциг во меч на кој Јошко Гвардиол го покоси Гркот Мавропанис кој урлаше „малака“.

По заминувањето на Шевченко Џенова го доживеа највисокиот пораз сезонава во Серија А од 6:0 во Фиренца. Бекот Кристијано Бираги направи двојно шоу од слободен удар, а Душан Влаховиќ го запиша голот број 17 со врвно одиграна завршница.

Борусија Дортмунд 2 е дел од третата германска лига, каде синоќа славеше 1:3 на гости. Холанѓанец роден 2001-ва по име Имануел Фераи изведе спектакуларна мајсторија на која се чудеа сите.

Фудбалерите на Милан го доживеаа можеби најболниот пораз сезонава. Водеа 1-0 против скромната Специја со гол на Леао пред крајот на првиот дел во 45+1' минута. Гостите израмнија во 64' преку Кевин Агудело. И во судиското продолжение Жуниор Месиас дава гол за победа ама судијата го поништува наместо да пушти чиста предност. Кардинална грешка. И како капак на сè, Специја во 90+6' дава гол за тотален пресврт и сензација.

Дебрецин треба да е среќен што се истурија стотици македонски навивачи, инаку атмосферата ќе им беше театар. Македонија ги загуби сите три натпревари, ама ги има најдобрите навивачи. Грла оставија синоќа и не ги пуштија ракометарите да одат во соблекувална. Секоја чест дечки за поддршката. Треба да учат другите.

Никола Митревски бранеше во своја препознатлива форма и на последниот меч на нашата селекција на Европското првенство. Тој одбрани неколку важни удари на Данците, а и самиот кога на колегите не им одеше во напад се запиша во листа на стрелците. Искористи едно невнимание на Јаник Грин и го матираше преку цел терен.

Ракометната репрезентација на Македонија со три порази на три натпревари го заврши настапот на Европското првенство.

Крутата австралиска принципиелност не му дозволи на најдобриот тенисер во светот да се бори за гренд слем број 21 и да испише нова историја. Може да го дрват за виза, ама не може да му ги оцрнат делата, а ги има многу, а дел се направени и кај нив.

Најдобриот класичен центарфор на денешницата има две ќерки, Клара и Лаура и кога неговата сопруга Ана не е присутна, тој се грижи за нив. Покажа и како се прави репче кај девојче.

НБА судиите одат во крајност. Сезонава кулминираше нивното слепо следење некои глупи правила. Баш глупи.

По речиси две недели сага, светскиот рекет број 1 се врати дома. На аеродромот „Никола Тесла“ имаше многу новинарски екипи и негови фанови, но тој одлучи да не дава изјава.

Долниот дом на францускиот парламент во неделата доцна вечер изгласал нови уредби во однос на владините мерки за борба против вирусната пандемија, па така досегашниот таканаречен passe sanitaire (здравствена пропусница) ќе стане passe vaccinal (вакцинална пропусница), трансформација со која вакцинацијата станува речиси задолжителна.

Го видовте ли сезонава голот на кариерата на Андреас Переира, кој Манчестер Јунајтед го пушти на позајмица во Фламенго? Ако сте го виделе, вториот агол ви е познат, а сега излезе и првиот снимен од трибина. Каква е оваа траекторија на која и голманот беше во бунило? Прво дремеше и ја гледаше, а потоа се фрли од немај каде.

Ѓоковиќ е „див Балканец“ и затоа сега страда, а „цивилизираните криминалци“ ги имаат сите привилегии на овој свет.

Карло Анчелоти го предводеше „кралскиот клуб“ до првиот пехар сезонава. Во финалето на шпанскиот Суперкуп во Саудиска Арабија, Реал Мадрид го совлада Атлетик Билбао кој втора година по ред останува без овој вреден трофеј.

По сензационалното реми против Алжир, аутсајдерот Сиера Леоне стигна до нов јуначки бод во Купот на Африкански нации и против фаворитот Брег на Слонова Коска. Но овој пат со многу многу среќа и страшен кикс на голманот кој се заби во земја и им ја подари топката за конечни 2:2 во судиското продолжение. Колку лоша интервенција.

Саутемптон продолжи да игра стани-пани во англиската Премиер лига, па синоќа претрпе нов пораз, овојпат од Вулверхемтпон на гости со 3-1. Но овој меч најмногу се зборува поради невозможниот слободен удар на капитенот на гостите Џејмс Ворд-Праус кој веќе подолго време од актуелните играчи е најдобар егзекутор од слободни удари во Премиер.

Дербито на колото во Серија А меѓу Аталанта и Интер заврши без голови, иако на двете страни имаше многу шанси за погодоци. Капитенот на Интер, Самир Хандановиќ бранеше врвно и спречи неколку чисти зицери на домашните.