Фудбалерите на Леванте одиграа 1:1 на гостувањето против Валенсија, резултат кој не им одговара со оглед на тоа што се на дното на табелата со -6 од испаѓање на 4 кола до крај. Македонскиот репрезентативец Енис Барди го испука можеби најсилниот удар во кариерата, ама немаше среќа, инаку ќе го имаше голот на колото.

Не е лесно да се изгради кариера во најсилните 5 европски лиги. Карло Анчелоти не само што стапна во сите нив, туку успеа да стане првиот тренер во историјата со титула во италијанско, англиско, шпанско, германско и француско првенство. Каков подвиг мајсторе.

Роден е во Бразил, ама годинава доби репрезентативен повик од Роберто Манчини. Во Каљари игра од 2014-та и има 268 настапи и 86 гола. Не се брани ова против Верона.

Само два дена откако објавија многу странски медиуми дека е починат, меѓу кои и Газета, а тој самиот демантираше на Твитер, овој пат стигна потврда од семејството.

Емелек од Еквадор против Палмеирас во Копа Либертадорес. Гостите во контра убаво и рационално ја завршуваат акцијата, ама шпицот Рони прави потег како прв пат да игра во напад. Во следната акција примаат гол, ама среќа потоа дадоа уште еден и тепаа 1:3.

Фудбалот и ракометот знаат да се пратат едни со други во однос на некои правила и регулативи, како на пример ВАР технологијата која се воведе и во овој спорт. На судиите знае да им се најде во спорни ситуации како на пример дали топката е влезена во гол, дали голот е постигнат по истекувањето на времето или дали има точен број на играчи на терен. Подетално ќе ви објасни координатор на судиите на ЕХФ, Георге Бебецос, а ќе видите и примери од последното ЕП.

Осумкратниот светски шампион во Мото ГП класата, Марк Маркез имаше многу тежок ден во Херез. Возачот на Хонда два пати падна во четири кривини на својот мотор за време на вториот тренинг пред трката за Големата награда на Шпанија викендов. Маркез падна во шеста кривина, се крена, се врати на моторот и ја продолжи трката, а после падна и во деветтата кривина.

Не беше некоја светска класа на напаѓач, ама беше познат и тој што следи италијанско 20 години, сигурно ќе се сети кој е. Ама мора да го види во дрес на Милан, инаку ништо.

Во 3. коло од Копа Либертадорес, во групна фаза играа Индепендиенте Петролеро од Боливија и Депортиво Тахира од Венецуела. Гостите славеа 1-2 ама резултатот е во втор план. Во прв план е дегажманот на голманот на гостите Кристофер Варела кој ќе дадеше екстравагантен гол од негово поле да не беше неговиот соиграч Ентони Урибе да му го украде погодокот за 0-1.

Феенорд и Олимпик Марсеј одиграа блесав меч од полуфиналето на Лига Конференции каде се уште и Лестер и Рома. Холандскиот состав поведе рано на 2:0, Марсеј се врати брзо за 2:2 и така заврши првиот дел. Само што почна вториот, тргнуваат Французите од центар, Хрватот Чалета-Цар прави невиден кикс и следи студен туш.

Веќе седма сезона, Белгиецот е еден од главните играчи на Сити и фудбалер кој би го посакал секој тренер. Го владее средниот ред, а неговите пасови се половина гол. 302 настапи има за тимот од Етихат, а сезонава постигна 15 гола. Компилација од 1 минута полна со фудбал со мозок.

Извршниот комитет на Европската ракометна федерација одржа состанок во Љубљана на кој донесе одлука со која ќе има помалку тактизирање, а веројатно повеќе пенали.

Од Србија Опен во Белград, пред неколку дена се појавија изненадувачки фотографии на кои го видовме Ноле со дрес од Кире Лазаров. Му го даде македонскиот новинар Бошко Тасиќ како поздрав од најдобриот македонски ракометар. Налетавме на видео од средбата.

Џејмс Харден со години си бараше идеална средина и на крај конечно ја најде. Откако дојде во Филаделфија ’76 се препороди. Игра слободно, без заткулисните игри во соблекувална кои ги имаше во Бруклин Нетс. Во тандем со неверојатниот Жоел Ембид Харден ја води Фила во следна рунда од плејофот. Го совладаа Торонто со 4:2 во серијата.

Лестер и Рома одиграа 1:1 во првиот полуфинален натпревар од Лига Конференции одигран на „Кинг Пауер“ стадионот. Резултат кој гарантира врвен реванш на „Олимпико“ во Рим. Инаку менаџерот на Лестер, Брендан Роџерс на времето му беше помошник на Мурињо во Челси и двајцата се многу добри пријатели.

Она што го прават навивачите на Ајнтрахт Франкфурт веќе е на широко познато во Европа. Каде и да игра нивниот тим на континентот, тие одат во многу сериозни бројки по 10-20.000 луѓе. Пред пар недели го запоседнаа буквално цел „Камп Ноу“ и издоминираа во триумфот на Ајнтрахт над Барселона, а сега го освоија и Лондон. Победа на терен 1:2 (првиот гол во 48 секунда), победа на трибини.

Андерс Драјер од Митлијанд излезе најголем мангуп во полуфиналето од Купот на Данска. Го даде побечкиот гол против Веље Болдклуб, го однесе својот тим во финале, а потоа на навивачите им демонстрираше уште една прецизност, овој пат во фаќање пиво во лет.

Вест Хем го пропушти голот на сезоната во Лига Европа, а Рома асистенцијата на сезоната откако Тами Абрахам им го помати умот на двајца чувари на Лестер. Погледнете го ова шоу на мал простор, зглобови му шина на едниот.

Фудбалерите на Вест Хем со пораз од 1:2 ќе патуваат на реваншот полуфиналето против Ајнтрахт од Франкфурт. Џерод Бовен ќе си гризнеше од уво во судиско. Прекрасен материјал за најавни шпици, ќе оди во заборав.

Манчестер Јунајтед одигра 1:1 дома против Челси, резултат кој не им е доволен со оглед на тоа што имаат-5 бода до ЛШ, а четвртопласираниот Арсенал има два меча помалку. Ако ништо друго, имаме атракција за гледање. Ваквите голови на Роналдо се рутина, но асистенцијата на Немања е убавина за око која не се гледа секое коло. Многу мајсторски.

Во 19. коло од Бизнис лигата на Македонија, Џонсон Мети ја декласираше Пивара Скопје, а А1 славеше против ЈП Водовод.

Откако тренерот им е во болница и тоа по втор пат на лекување од леукемија, Болоња нема пораз на сите пет меча. Синоќа го симнаа од тронот Интер кој се бори за Скудето, а момците му направија изненадување на Синиша Михајловиќ со аплаузи и песна.

И по половина век стаж во ракометот, популарниот Маки не се дава, а вчера стигна вест дека го добил РФМ на Арбитражниот суд на ЕХФ во Виена за ланската суспензија. Имаме неколку пикантерии од неговата кариера, ама и едно видео на кое не бираше зборови во кавга со новинар.

И покрај тоа што водечкиот италијански спортски весник Ла Газета Дело Спорт меѓу првите објави, а после сите пренесоа вест за смртта на најпознатиот фудбалски агент Мино Рајола, од болницата каде што тој лежи остро демантираа.