Хрватска стекна огромна чест да биде домаќин на рели од Светскиот рели Куп. Но трката останала во сенка на една сцена која што на големо се коментира по социјалните мрежи. Дел од гледачите се степале и тоа во непосредна близина на самата патека каде јуришно летаа колите.

Фудбалерите на Наполи во голем стил ја привршуваат сезоната, со победа против омразениот Јувентус, остварена на гости во 93-та минута. Направија и генерална проба за прославата на титулата која следното коло може да ја освојат и математички.

Абердин како третопласиран прослави голема победа од 2:0 над второпласираниот Глазгов Ренџерс. На голгетерското мени на македонскиот репрезентативец дојде на ред и 55 кратниот шкотски првак. Бојан Миовски го постигна вториот гол на мечот со мајсторска реакција во шеснаесетник и го запиша својот 16-ти гол сезонава.

Во драматична и неизвесна битка, Наполи го совлада Јувентус на гости со гол во продолженијата. Работата ја завршија џокерите Елмас и Распадори. Првиот со прекрасна асистенција, вториот со уште поубав волеј. Веќе прашање се денови кога ќе го видиме вториот македонски фудбалер со Скудето в раце. Постои можност тоа да се случи веќе следното коло.

Роналдо излезе на вечера со девојка му Георгина, за да го прослават нејзиниот 29-ти роденден. Сите прекинаа да јадат кога се појави. Ама тој ги изненади и ги начека спремен.

30-то коло во хрватскиот фудбалски шампионат го донесе голот на колото, неделата, месецот и сигурно кандидат за гол на сезоната. Емир Сахити од Хајдук, инаку поранешен играч на Работнички (2015-2018), на мечот против Вараждин постигна лепота од голчиште.

Германската Бундеслига сезонава е најинтересна во последните неколку години. Борусија Дортмунд имаше неколку зицери да му избега на Баерн Минхен на табелата но искористи само еден. Дали ќе биде доволен?

Манчестер Сити ја оправда фаворитската улога и со 3-0 го торпедираше Шефилд Јунајтед во полуфиналето на англискиот ФА Куп. Сите три гола беа дело на Алжирецот Ријад Марез кој ги однесе своите на мегдан со подобриот од второто полуфинале на Купот Брајтон - Ман. Јунајтед.

Ривер има супер почеток на сезоната во домашното првенство во Аргентина, а во Копа Либертадорес имаат 1 победа и 1 пораз. Синоќа со 4-2 го совладаа перуански Спортинг Кристал иако од 38-ма минута играа со играч помалку поради црвен картон. Амбиентот на „Монументал“ е за филм.

Во англиската Премиер лига, вечерва на „Емирати“ играат лидерот Арсенал со последнопласираниот на табела Саутемптон. Гостите водат 1-2 на полувреме, а првиот гол го дадоа по кардинална грешка на голманот на „топџиите“ Арон Рамздејл. Стрелец со интересно име и презиме: Карлос Алкараз, како шпанската тениска ѕвезда.

Не можеш да излезеш на крај со Жозе. Новинарот кој влезе во дискусија со него после поразот на Рома на првиот четвртфинален дуел од ЛЕ беше и синоќа на реваншот. Мурињо ги искористи своите 5 минути и направи претстава на пресот. Плус го пецна и Касано.

Ние пак. Си достоивме на зборот. Овај пат со поусул. Со титула Махери нѐ охрабри да продолжиме. Ви благодариме за објавата. Спортски Поздрав. 

Манчестер Јунајтед не успеа да ја мине четвртфиналната фаза во ЛЕ против Севиља. Дома одигра 2:2, а на реваншот загуби 3:0 на свои грешки, недозволиви во нокаут фаза. Првиот гол на Шпанците им го подари Мегваер, а третиот Де Хеа. Хари не остана само на еден кикс. При вториот гол повреди свој соиграч. Неповторлив е.

Додека Вардар е оставен сам на себе без никаква поддршка од никој, освен од Комити, стигна првата помош од фудбалер. Браво Рики за гестот.

Тренерот на Милан Стефано Пиоли после големиот пласман во 1/2 финале на Лига на шампиони, за мечот со Наполи изјави дека никогаш не издвојува поединци но дека Раде Круниќ бил неверојатен вечерта.

Ако во денешно време треба да се каже кој е асоцијација за тренер, тоа сигурно е Пеп Гвардиола. На 52 години има освоено 32 трофеи и во само 14 години кариера стана прв тренер со импресивни 10 полуфиналиња во ЛШ.  Веднаш по него е стариот лисец Анчелоти со едно полуфинале помалку. Инаку 63 годишниот Италијанец има 25 трофеи.

Легендарниот Формула 1 возач непознато е дали воопшто може да зборува или куца на тастатура, а германски магазин се дрзна да му вади интервју и тоа на насловна.

На 41 година (на 21-ви јули ќе полни 42), легендарниот шпански фудбалер Жоакин реши да стави крај на богатата фудбалска кариера. Тој е дете на Бетис каде е од 1997-ма година. Играше уште и за Валенсија, Малага и Фиорентина, но засекогаш срцето му беше на „Бенито Виља Марин“ во Андалузија. За шпанската репрезентација одигра 51 меч и даде 4 гола.

Мемфис Гризлис го совлада ЛА Лејкерс 103:93 и израмни 1-1 во првото коло од плејофот. Во отсуство на нивниот најдобар играч Џа Морант кој има повреда на раката, Мемфис се потпре на Џарен Џексон, Ксавиер Тилман, Дезмонд Бејн и Дилон Брукс.

Поранешниот голман на Вардар беше во центарот на вниманието на мечот од Лига Европа меѓу Фуксе Берлин и Кадетен Шафхаузен кој германскиот тим го доби со 30:24. На едниот му падна со цело тело, а другиот го поткачи со нога во глава по што падна како покосен.

На 17 години кариера во Ливерпул, Њукасл, Вест Хем да дадеш само 94 гола, а си напаѓач изгледа те фаќа зорт. Ама па и не е за секој божјата рака. 34 годишниот англиски напаѓач во рок од 5 минути даде гол и доби црвен за Ридинг во Чемпионшип лигата по што Лутон израмни на 1:1.

Голманот на англискиот Рочдејл од Лига 2, четврта дивизија во англискиот фудбалски поредок, Ричард О’Донел си даде најсмешен автогол на сезоната таму. На крајот мечот со Транмир завршил нерешено 2:2 но Рочдејл нема шанси да се спаси и испаѓа во петта лига односно Национална лига од каде во спротивен правец веројатно доаѓа велшки Рексам.

Неверојатна вест доаѓа од Торино. Пред реваншот на Јуве со Спортинг во 1/4 финале на Лига Европа во Лисабон, во средата Вишиот спортски суд после трочасовно сослушување не донел конечна одлука, но големи се шансите на Јуве денес да му се прифати жалбата и да му се вратат одземените бодови поради финансиски малверзации.

Во сенка на супер дуелите во Лига на шампиони, во Англија редовно коло играа пониските лиги. Интересна и необична епизода имало на средбата Гилингем - Лејтон Ориент во Лига 2. Домаќините играле за опстанок во лигата, а гостите за пласман во посериозен и повисок ранг. Пред крајот имало циркус.