Додека го имаа Пандев се спасуваа, потоа дојдоа некои Американци за газди кои очигледно не сфаќаат што значи да го имаш Горан во тим и ете ги до каде стигнаа. Кам бек во втора лига.

Мајсторот се презива Дел Прете што во превод значи поп. И да сакаше не можеше да најде поатрактивен начин за 3 бода на Естудијантес во Копа Либертадорес. Погледнете како го реши отпадокот кој стигна до него.

Некогашниот европски шампион и клуб кој ја доминираше цела Европа, а кој подоцна со децении дремеше во ниските англиски дивизии, сега дојде во прилика за првпат после далечната 1999-та да се врати во елитната Премиер лига.

Шкупи или Слога Југомагнат по старо, ја прослави шампионската титула. Играат во македонска лига, имаат неколку македонски фудбалери, тренер им е Гоце Седлоски, а се однесуваат како да се дел од албанскиот или косовскиот шампионат, исто како Шкендија. Ова е атмосферата на стадионот во Чаир во последното коло против Академија Пандев.

Ја имаме одбраната на колото, месецот и сезоната од нашиот драгоцен и ултра атрактивен мак фудбал. Да се наежи човек. 

Во недела, на 22 мај, во Милано и оваа година ќе има фешта за Скудетото, само уште да се официјализира кој ќе го освои. Милан 83, Интер 81.

На специјалистот за четврто место во Премиер лига веќе му стана недостижно тоа пусто четврто место. Синоќа загубија од Њукасл, кој не се бори за ништо и во последно коло влегуваат како петти со -2 зад Тотенхем. Очајот на еден ист навивач снимен две сезони по ред. Бара да им се вратат парите на навивачи кои биле на гостување.

Во разигрувањето од пролетниот дел во Бизнис лигата на Македонија, славеа екипите на Гранит, Ван Хоол, ЕЛЕМ и Фабрика Карпош – ГИМ.

И покрај тоа што Лудогорец е апсолутен хегемон во бугарскиот фудбал и ја освои 11-та шампионска титула по ред, Левски и ЦСКА Софија се најпопуларни клубови во Бугарија. Преку 40.000 гледачи го следеа големото финале на Купот меѓу овие ривали. По скоро 20.000 на двете страни. Едните сини, другите црвени.

Европско првенство за играчи од 17 години, Полска vs Франција. Се обидуваме да се сетиме дали до сега сме виделе ваква некоординација во напад, ама не ни текнува. Што ли сакаше детево да направи? Заедно да ја водат?

Во саботата се одигра последното 34. коло во Германија и се спушти завеса на сезоната. Баерн е десетти пат по ред шампион. Гројтер Фирт и Арминија Билефелд испаднаа во Цвајта, а опстанок во лигата обезбеди Штутгарт со гол во последните секунди од мечот со Келн кога Ватару Ендо донесе експлозија од радост и победа од 2:1.

Ливерпул го совлада Челси на пенали во финалето на англискиот ФА Куп и на тој начин Јирген Клоп им го донесе на навивачите трофејот кој го сонуваа цели 17 години. Ливерпул освојува пехари како на лента, навивачите не знаат што попрво да прослават.

Дефинитивно најлузерски менталитет во англиската Премиер лига имаат „топџиите“ кои речиси никогаш кога е најпотребно не знаат да ги израдуваат своите навивачи.

Ноќ за збогувања на последниот меч на Јувентус сезонава на домашен терен против Лацио 2:2. После Џорџо Кјелини, со навивачите се поздрави уште едно големo име, а тоа е Аргентинецот Пауло Дибала кој многу емотивно реагираше на крај.

11 пласираниот Галатасарај и деветто пласираната Адана Демирпоср, одиграа меч без некое посебно резултатско значење со оглед на нивната позиција на табела во претпоследното коло. Домаќините славеа 3:2, а Супер Марио се наслади фино од слободен удар.

Великанот Џорџо Кјелини, жива клупска легенда на Јувентус и Италија, се збогуваше од својот домашен стадион пред илјадници тифози кои непрекинато му го скандираа името.

Ако барате да го видите голот на колото, прескокнете го европскиот фудбал. Авторот на ремек делото број 1 за овој викенд е Шон Реа, роден 2002-ра, кој игра за Валор. Екстра бонус на платата се добива за ваква велемајсторија.

Се сеќавате на Енерги Котбус од билтен така? Пред 15 години беа дел од Бундеслигата. Сега се четвртолигаши на што не би поверувале ако видите како би бодрат. 7.600 гледачи во четврта лига, ние 1.000 не можеше да собереме во прва.

Навивачите на Милан се во еуфорија како никогаш до сега во последните 11 години колку што ја чекаат титулата. Ама и Златан изгледа е бајаги возбуден, па ја суреди шофершајбната од што го понесе атмосферата од пречекот пред средбата со Аталанта.

Утврдивме дека Трабзонспор ја има најлудата прослава за освојувањето на титулата на која и се радуваат по пауза од 38 години. Сега утврдуваме дека е и најдолга. Две недели слават царевите, ама сега се префрлија на вода.

Беше главен во хотелската забава после историскиот пласман на Македонија на ЕП, која имавме привилегија да ја гледаме во живо кај него на Инстаграм. Овој пат ни пренесува секвенци од прославата за шампионската титула со Динамо Загреб. Плус и клубот објави јако видео со живата музика. Двајца играчи се качија на кола.

Филип Талески сезонава игра како препороден и за клуб и за репрезентација. Во полуфиналето го торпедираше Еурофарм Пелистер 2 со 9 парчиња, а во финалето против Еурофарм Пелистер ја презеде одговорноста во последната акција и со бомбастичен погодок му донесе победа на Вардар од 23:22 за титула во Купот број 15. Го прогласија и за МВП. Инаку Вардар на полувреме губеше 8:12.

Паралелно со успешната сезона на Милан, во добра форма е и нивниот фан клуб во Македонија. За мечот против Аталанта имаа собир од кој може да видиме снимка како урлаат на голот на Леао за 1:0 против Аталанта. Уште победа над Сасуоло на гости и Милан и официјално е првак на Италија после 11 години. 

Во навивачкиот свет за добро познато понижување важи ако ривалот успее да ти украде знаме, што не е баш секојдневие. Викендов Комити ја славеа ракометната Куп титула против Пелистер во Кавадарци, ама имаа и акција во Чаир и успеаа да му им го украдат знамето на Шверцери кои ја слават титулата на ФК Шкупи.