Само неколку дена откако го славеа пласманот во втората македонска фудбалска лига, Винари одновно блеснаа со ново пиротехночко шоу овој пат за РК Вардар Неготино. Ја добија најважната битка на сезоната, а тоа е бараж дуелот за опстанок во Суперлигата против Драчево. Легендарниот Петар Ангелов Диви блесна со 13 одбрани од кои 11 во првиот дел, а има 46 години.

Денес е Ибра ден, па така речиси секоја втора работа му е нему посветена. Златан во фудбалска пензија го испратија околу 70.000 навивачи на Милан, пред натпреварот со Верона од последното коло на Серија А. Ибрахимовиќ доби неверојатни овации, плакети и признанија. После мечот излегол пред новинарите.

Не беше ова збогување на навивачите и играчите на Милан со својот Златан Ибрахимовиќ туку на целиот фудбал во глобала. Ибракадабра оди во пензија, ги закачува копачките на клин и така завршува една цела епоха. Ќе се памети по неверојатните голови.

Индепендиенте Ривадавиа vs Депортиво Маипу. Домаќините слават дома 2:1 и му ја земаат лидерската позиција на гостинот. Навивачите не чекаат да истече 7-та минута од судиското продолжение и ја распалуваат атмосферата како никој. Па ова го нема во друга земја, освен Аргентина. А пазете, станува збор за втора лига.

Кошаркарите на МЗТ Скопје со 3:0 го збришаа Пелистер и ја одбранија титулата во македонското првенство. Фемили Аеродром не спиеа и ги чекаа да се вратат од гостувањето во Битола. Следуваше пиротехничко шоу и песна за шампионот.

Легендарниот шпански судија Матеу Лаоз доби големи почести на неговиот последен фудбалски меч во кариерата како главен судија. На дуелот Мајорка - Рајо Ваљекано од последното коло во шпанска Ла Лига, Лаоз за последен пат беше со свирката. Тој во кариерата поделил 2.408 жолти картони, 128 црвени картони и досудил 128 пенали.

Тезата за аклиматизација во Денвер и натаму е меѓу водечките теми во НБА просторот. Нагетс се историски лидери во лигата по победи на домашен паркет, односно разлика во процент на победи дома и гости... ама во регуларна сезона.

Паола Саулино е модел и инфлуенсерка, која ветила дека ако Наполи го освои Скудетото, ќе слави гола. Ветено-сторено и тоа со специјално изработен дизајн на гола кожа за што биле потребни 7 часа работа. Амблемот на клубот на стомак, на газот број 3, а на грб името со број 69. По улици шетала со обезбедување и фотограф.

Во пресрет на Реал Мадрид - Атлетик Билбао, во последното коло, изгледа и на економот на клубот веќе му паднала концентрацијата и го стасало уморот да оди секој викенд на работа.

Откако го збришаа ЛА Лејкерс со 4-0 во финалето на Истокот, Нагетс поведоа и 1-0 против Мајами Хит. И кога јавноста беше убедена дека големото финале ќе биде еднонасочна улица, Хит покажа зошто и како стигнал до тука. Земаа брејк во Колорадо, благодарение најмногу на 10-те поени по ред на Данкан Робинсон во последната четвртина.

Кошаркарите на Мајами Хит го израмнија резултат во големото финале на НБА на 1:1 откако синоќа во вториот меч во Колорадо го совладаа Денвер 111:108.

По 988 меча, 573 гола и 32 трофеи во Малме, Ајакс, Јувентус, Интер, Барселона, Милан, ПСЖ, Манчестер Јунајтед, Лос Анџелес Галакси, пак Милан како и за селекцијата на Шведска, Златан Ибрахимовиќ и става крај на блескавата кариера. Во октомври полни 42.

Елиф Елмас и официјално стана вториот македонски фудбалер во историјата кој успеа да се искачи на пиадесталот во елитната Серија А. Огромен успех, има само 23 години.

Големи, впечатливи и важни збогувања се случија викендов. Бензема со Реал Мадрид, Ибрахимовиќ со Милан. Идоли на многу генерации. Ќе фали оваа легендарна будалетинка на терен.

Сасуоло - Фиорентина 1:3. Ја фати само со конец, без трска и ја пушти. Уште ова го немавме видено.

МЗТ Скопје ја доби и третата пресметка против Пелистер во финалето и со тоа стигна до нова титула во македонскиот шампионат, вкупно 10-та. Гостите подобри на паркетот во салата Боро Чурлевски, а домашните навивачи поуспешни од гостинските. Се пофалија дека им здиплиле маица.

Со 354-от погодок, завршува ерата на една од најголемите легенди на Реал Мадрид. Заминува како втор најдобар стрелец во историјата на кралскиот клуб. Растури во напад откако си замина Роналдо.

Ветеранот Хулк кој игра како во втора младост, одново ја импресионирал цела бразилска јавност откако постигнал прекрасен еврогол на дербито меѓу Крузеиро и неговиот Атлетико Минеиро кој победил токму со тој погодок на Хулк на стадионот „Парк до Сабија“.

Францускиот центарфор Карим Бензема, кој обележа една ера во Реал Мадрид и официјално заминува од „кралскиот клуб“ после многу незаборавни моменти.

Големото градско дерби Манчестер Сити - Манчестер Јунајтед во финалето на ФА Купот го донесе најбрзиот гол во историјата на ова најстаро натпреварување на светот. Во 13-та секунда, додека навивачите уште се местеа на своите седишта, Илкај Гундоган распали еврогол од далечина за огромно славје меѓу навивачите на Сити.

Со нова супер партија и нов трипл-дабл, Никола Јокиќ ги водеше своите Нагетси до прва победа во големото финале на НБА над Мајами Хит. Лидерот на Денвер е хит во светот на спортот кој му ги брои рекордите од натпревар во натпревар. Интересен муабет раскажа и татко му.

Претприемачот Стефано Чечи пред една година добил идеја во случај да станат шампиони на Италија, цел тим на Наполи да добие специјална награда што ќе ја симболизира златната нога на Диего Армандо Марадона. Изработија за сите по една и им ги доделија на церемонија. Во недела во последното коло Џовани ди Лоренцо ќе биде првиот капитен по Марадона кој ќе го подигне Скудетото на Наполи.

По макотрпната работа околу помош и логистика, како и безрезервна поддршка на секој меч, Комити со силно темпо продолжија да се борат за Вардар и по остварувањето на целта, а тоа е кам бекот во Првата македонска лига.

Најуспешниот селектор на Македонија од април годинава работи во Казахстан како тренер на Каспиј и на 6 меча на клупата е без пораз во првенство. За 47. роденден од клубот му подарија традиционална облека која историјата ја носеле владетелите во оваа земја.