Има 35 години. Играше во Португалија за Брага, играше за Атлетико Мадрид 7 години во два мандати и постигна повеќе од 55 гола, играше во Челси каде за три сезони на 89 настапи даде 52 гола. Играше во повеќе бразилски клубови ама џабе му е се. Таков идиотски однос ретко кој фудбалер или општо спортист има. Го пратиле да игра за тимот на Гремио до 20 години, со младинци. И таму се степал.

„Непобедени воини - предводени од кралот“, гласи паролата на навивачите на Баер Леверкузен на кои Чаби Алонсо вечно ќе им остане врежан во срцата. Нивната сезона 2023/2024 допрва ќе се прераскажува во документарци. Инаку викендов го победија Волфсбург 4:3, со пресврт и гол во 93-та на Бонифејс, вкупно 24-ти во судиско од август 2023-та.

Го подзагубивме од радар Филипе Кутињо. Лани заигра во Катар, а од летово е член на Васко де Гама каде ја почна кариерата. Не ги оправда оние 105 милиони евра кои Барселона ги плати за трансферот од Ливерпул, ама и не помина лошо на Камп Ноу. Четири сезони- четири трофеи, а потоа тројна круна со Баерн. Да видиме како се забавува во Бразил.

Судијата Александар Ставрев не дозволи 90 минути фудбал меѓу Тиквеш и Вардар и предвреме свирна крај. Победата оди кај гостите благодарение на евроголот на Закариќ. Настрада помошникот кој од публика го погодија со тврд предмет, а Спорт1 објави видео од тепачка на која се гледа како домашните навивачи напаѓаат двајца членови од раководството на Вардар.

Со голот на Џон Стоунс во 98-ма минута, Манчестер Сити се спаси од пораз од Арсенал и извади реми (2:2). Ерлинг Халанд после голот направи неспортски потег кој на големо се коментира во Англија.

Фудбалерите на Барселона многу моќно ја стартуваа новата сезона. Виљареал го потопија со 1:5 и сега имаат 6 од 6 со 22 постигнати гола или скоро 4 по натпревар. По два гола постигнаа Левандовски и Рафиља, а стрелец беше и Торе. Внимавајте добро каква асистенција испорача Јамал на свои 17 години и како се снајде ветеранот Левандовски во шеснаесетник.

Хајдук Сплит го искористи срамниот дебакл на Динамо Загреб кој изгуби 4:1 од Славен Белупо во Копривница (Несторовски стрелец на убав гол за победникот). Сплитскиот клуб со идентичен резултат 4-1 ја совлада Горица после пресврт откако гостите први поведоа во 5' минута. Шест минути подоцна на сцена стапува малиот Бруно Дурдов, 16-годишно дете на Хајдук Сплит кој прво го израмни резултатот со прекрасен погодок а после во 55-та минута режираше пресврт со уште поубав гол.

На шестиот по ред турнир „Павлос Јанакопулос“ кој се игра во чест на легендарниот претседател на Панатинаикос чиј син сега мошне успешно го води клубот, во финалето играа ПАО и Партизан. Славеа гостите од Белград 75-64 а интересно турнирот се играше на необично место, на култниот олимписки стадион „Панатинаико“ кој е стадион на кој се одржани првите модерни Олимписки Игри.

Бурата во Динамо Загреб не се стишува. По ремито со Ријека (1:1), поразот од Хајдук Сплит дома на „Максимир“ (0:1) и историскиот дебакл 9:2 од Баерн Минхен, „модрите“ претрпеа уште едно историско понижување. Изгубија 4-1 од Славен Белупо во домашното првенство што им е најтежок пораз во историјата од овој противник. Четвртиот гол за домаќините го постигна македонскиот центарфор Илија Несторовски кој даде супер погодок и потврди дека игра во голема форма.

Најдобриот македонски кошаркар, Ненад Димитријевиќ одигра сјајно на своето деби за италијанскиот гигант Милано. Во полуфиналето на Суперкупот на Италија „манекените“ славеа 73-62.

Немаат трева, ниту мрежа, за трибини да не зборуваме. Ама душата им игра фудбал. Генијалци.

Tомазо Роки е некако подзаборавен лик, но сигурно не и за Горан Пандев со кој перфектно беа воиграни во Лацио и растураа со голови. Налетавме на видео од натпревар против Интер. Погледното му го приемот и завршницата. Чиста 10-ка. Жулио Цезар брани.

ЕХФ ја спакува листата на 5 најатрактивни погодоци од 2. коло во ЛШ. Две се од салата Боро Чурлевски. Шраубата на Усам Хосни од Еурофарм Пелистер е на позицијата број 4, а второто место е на Матијас Гидсел од Фуксе Берлин, кој се крена високо и испука прекрасен проектил.

Другпат пред да се исмеваме со состојбата на македонските стадиони и да ликуваме на таму некои други, да погледнеме како изгледа еден тоалет на стадионот на Клуб Бриж, „Јан Бредел“ во Белгија. Претставник на Белгија во Лига на шампиони. Во 1. коло играше со Борусија Дортмунд дома и загуби 0:4. Некој германски навивач ги прашал на Твитер „дали не им е срам од клозетиве“?

Ѓоковиќ се обидел да игра „Real tennis“ или по нашки „вистински тенис“, старт спорт со векови. Им признал дека му е прв пат и ништо не било исто од тенисот во кој е број 1 со 24 Гренд слемови.

Колку пати ви се случило да видите ваква дискрапанца, некој дебел фудбалер да има врвен осет за фудбал? Примете го додавањето на самиот почеток на старт на видеото.

Аталанта и Арсенал одиграа меч со многу шанси но без голови. Најголема прилика имаа домашните фудбалери во 50’ минута кога добија пенал. Центарфорот Ретеги изведе а шпанскиот голман од Арсенал Давид Раја му ги одбрани на два пати спектакуларно и пеналот и одбиената.

Легендата на Баерн се сопна од белата трака поставена на тревата и толку од тренингот. Сите фатија да се смејат, од играчи од тренерот Компани. Томас на крај дури и рече дека ова ќе биде клип на месецот, печен за кликови.

Корентан Муте на турнир во Хангжу, Кина го победи Карбалјес Баена. Натпреварот ни донесе егзибициски, храбар и многу ризичен потег. Tотално луда завршница, невидена до сега на мрежа.

Со двата гола на Вирц, еден на Грималдо и еден автогол, германскиот првак Баер Леверкузен го потопи Феенорд и тоа уште во прво ги постави конечните 0:4. Виктор Бонифејс се истакна со нереален пас. Велемајсториште.

Бенфика го преброди тешкото гостување на стадионот „Рајко Митиќ“ во Белград и со 1-2 ја совлада Црвена звезда. Гостите од Португалија славеа со два гола на турските интернационалци, Керем Актуркоглу и Оркан Кокџу.Покрај двата погодоци Бенфика немаше други шанси, а домаќинот стигна до само еден гол за да го ублажи поразот.

Што да гледаш попрво на стадиониот „Луј 2“ во Монте Карло, Лига на шампиони, Монако - Барса или иконата на кошарката, Мајкл Џордан? Погледнете ја оваа неповторлива фаца која зрачи со енергија и 6 прстени со Чикаго поради кои останувавме без спиење. Фрчеа телефони, слики, селфија, автограми.

Не бе, не нè бива. И на пријателска очи ќе си извадиме. Ама тоа е кога постојат идиоти од навивачи кои ја уништија пријателската меѓу ТФТ и Чаир 2030 и испратија лоша порака до младината за тоа како НЕ  треба да се води навивачка трибина. Тренерите и на двете екипи се обидувале да ја смират тензијата, ама џабе. Нападнат е капитенот на ТФТ, Едис Нури и тоа дрско со боксови од страна на неколку бараби.

Фудбалерите на Атлетико Мадрид со 2-1 го совладаа РБ Лајпциг со гол во последните моменти од мечот на стоперот Хозе Марија Хименез. Елиф Елмас доби прилика во самиот финиш и одигра десетина минути. Барселона цели 80 минути играше со играч помалку и изгуби 2-1 од Монако.