Златната кошаркарска генерација на Аргентина, прослави 20 годишнина од освојувањето на златниот медал на Олимписките игри во Атина. Во полуфинале го елиминираа САД, а во финале Италија. Ману гајле нема под кош и на овие години. Нема коса, ама има муда.

Фенербахче го доби Трабзонспор на гости со 2:3 во натпревар со два пенали за домаќините и лавина критики на Мурињо за судијата од ВАР собата кој го нарече невидлив човек.

На убавиот стадион „Маршал Јозеф Пилсудски“ познат и како стадион на полската армија во Варшава, синоќа Легија со 2-1 го совладала Видзев Лоѓ во дербито и тоа со гол во 86’ минута од мечот. Пред натпреварот навивачите на Легија Варшава направија незамисливо пиротехничко шоу со дури 800 запалени бакљи.

Без да се претера може да се каже дека бисерот на Барселона и европскиот шампион Шпанија Ламин Јамал е нешто најблиску до Меси откако Лионел замина од „Камп Ноу“. Барса сезонава ги меле ривалите во сите натпреварувања, игра најубав фудбал во Европа како некогаш на времето. Во неделата го совладаа градскиот ривал Еспањол 3-1 а Ламин Јамал имаше сјајна асистенција за Олмо.

Во Битола синоќа под рефлектори се одигра најголемото македонско дерби меѓу Пелистер и Вардар. Како ретко кога во претходните две децении пред мечот имаше голем интерес па стадионот „Петар Милошевски“ беше преполн. Дојдоа и Комити кои му дадоа шмек на дербито. Пелистер славеше 1-0 со гол во длабоко судиско продолжение на крај во 90+3’ минута. Мирко Ивановски постигна гол, го прослави со Чкембарите па набрзо доби втор жолт и црвен картон.

Покоен Мутомбо на пример им гестикулираше со прстот, дека нема забивање преку него и по тоа беше препознатлив. Ама ваков непочит не е виден во кошарката. Коментаторите и се чудеја и се смееја.

27 поени, 16 скокови и 9 асистенции за Никола Јокиќ во третиот сезонски триумф на Денвер Нагетс, овој пат против Јута Џез (129:103). Коментаторот поентираше за интелигенцијата на Јокиќ после ова додавање во негов стил, кое не се гледа секој ден во НБА.

Веројатно ГГ ја имал на ливче или па им кажал на другарите да се обложат дека ќе постигне автогол.

Кошаркарите на ЦСКА Москва го совладаа Пари Нижњи Новгород 91:65 во 10. коло од регионалната ВТБ лига. Алекса Аврамовиќ кој летово од Партизан замина во ЦСКА Москва постигнал 12 поени со по два скока и асистенции. Дал и еден луд, неверојатен кош од пола терен. Аврамовиќ е прогласен за најдобар играч за месец октомври во ВТБ лигата.

Најдобриот македонски фудбалер во моментов, Бојан Миовски беше дел од триумфот на Жирона од 4-3 над Легањес но не постигна ниту еден погодок а немаше ни една асистенција иако 63 минути беше на теренот.

Ако си дебел браниш, а сега дебелите 9-ки се на цена. Инаку со пици му е дресот.

Не за друго, целиот е живот е поедноставен ако го избегнете горниот пример.

ЛаМело Бол е една од најголемите ѕвезди на Шарлот Хорнетс кој во новата сезона има 2 победи и 2 порази. Тој бил преплашен во клупските простории од еден кловн кој соиграчите и луѓето од клубот му го наместиле зад една врата.

30 октомври 2004, Лацио - Интер 1:1. Горан е во прв состав на 21 година и игра против Занети, Камбјасо, Станковиќ, Кордоба, негови идни поранешни соиграчи со кои ќе ја освои тројната круна. Во Интер е и Синиша Михајловиќ со тазе направениот трансфер од Лацио. Па уште и Давидс и Верон им се во состав. Какви времиња.

И во 1.500 натпревари, Сер Алекс Фергусон е подобар според процентот на победи (59,7) од сите негови наследници, ако го исклучиме Карик кој ги водеше на само три меча. Но со него безпредметно е да се прават споредби бидејќи создаде респектабилен тим со страшни фудбалери во кој секој гледаше со страв и почит. Бренд и гигант со 38 трофеи.

Откако замина од Челси на уште побогата печалба во Саудиска Арабија, Н’Голо Канте не е актуелен како претходно. Но кај него всушност ништо не се сменило. Навивачите на Ал-Итихад фрлаа кеси на терен и додека натпреварот беше во прекин, тој го чистеше теренот.

Еурофарм Пелистер го разби малерот после 20 натпревари во ЛШ или поточно 14 порази лани и 5 порази и едно реми оваа сезона. Ја совлада Фредериција на гости со 23:25, а Никола Митревски ги спобудале Данците со фантастични 15 интервенции од кои 9 во првиот дел. ЕХФ издвои една од пенал, а објави и видео од големото славје на Битолчани.

Јирген Клоп очигледно ќе има многу работа.

Далас Маверикс ноќеска го загуби дербито на Тексас од Хјустон 108:102. Лука Дончиќ уфрли 29 поени со пет скока и две асистенции, а Кајри Ирвинг 28 поени со осум скока и седум асистенции. Кај победникот Џајлен Грин беше најефикасен со дабл-дабл учинок со 23 поени и 12 скока. Дончиќ на загревање пред натпреварот погоди од неверојатен агол и ги запрепасти сите во салата.

Гаучосите отсекогаш правеле права фешта, ама сезонава се надминаа себеси. Прво навивачите на Ривер Плејт направија чудесна атмосфера со тони пиротехника, огномети, бакљи. Сега едни други Аргентинци. Синоќа аргентинскиот Расинг Клуб со 2-1 го совлада Коринтијанс во реваншот од полуфинале на Копа Судамерикана и со вкупен резултат 4-3 оди во големото финале по овој вреден трофеј. Прво финале за Расинг после цели 32 години. Навивачите на клубот од Авељанеда направија шоу.

Верноста на германските навивачи не познава граници. Нив не ги интересира каде е гостувањето и дали мечот е од Куп, првенство или меѓународен натпревар. Одат цела војска. 10.000 е нормална бројка за гостување во Лига на шампиони во финале, а тие во второ коло од Куп отишле против Хофенхајм и направиле опсада во градот кој брои 35.000 жители. Неверојатно. Инаку Хофенхајм славеше 2:1 и со тоа оди во следна фаза, а тренер на Нирнберг е Мирослав Клосе.

Јанг Бојс го совлада Базел со 3:2, меч на кој гостите си постигнаа два автогола. Едниот е дело на Мохамед Драгер, кој од желба да ја расчисти во аут, душмански си ја заби во гол.

Само пет дена откако му спречи голчиште на Дибала, Давид Де Хеа одновно блесна и ја спаси Фиорентина и тоа во судиско. Хит е Шпанецот во Италија.

Легендарниот португалски тренер кој сега седи на клупата на Фенербахче на својот Инстаграм профил упати порака до младите тренери: „Никогаш немој да носите исти бои како играчите, или ќе ви додадат топка или ќе ве фаулираат“.