Титулата број 6 на на Вимблдон на Новак беше повеќе од јасно дека денеска ќе им отвори работа на луѓето кои се занимаваат со бројки во тенисот.
Нема тука многу статистика, туку само основни и најважни информации за тоа колку тежат во трофеи овие три светски имиња.
Прво и основно се израмнија по бројот кој претставува престиж, а тоа се Гренд слем титулите. Вкупно 60 се нивни или по 20 за секој.
По број на Мастерс 1000 Новак и Рафа се израмнети и му бегаат на Роџер, но тој е убедливо на првата позиција според вкупен број на титули.
Човекот кој во моментов е број 1 во светот ги држи рекордите по број на недели и по број на години на врвот.
Во резимето за ова лудо и незаборавно трио останува уште да констатираме дека на Ѓоковиќ најмногу му лежи Австралија опен, Федерер гази на Вимблдон, а Надал е крал на Ролан гарос.
