Холандскиот голман им го покажал својот дом - поточно подрумот кој го направил како најубавата компјутерница од нашето детство. Единствена разлика е што заедно со компјутерите на масите има и осум Playstation-и. Ворм рекол дека најчести играчи се Деле Али, Жорж-Кевин Нкуду, Тоби Алдервејрелд и Кајл Вокер-Питерс.
Омилена игра на фудбалерите на Тотенхем е Call of Duty. „Мислам дека таа ни е најомилена зошто ја играме заедно. Имаме посебен чат за нас во играта и тоа е важно за тимот да биде единствен“, вели стоперот и капитен Јан Вертонген кој се појавува во видеото на Copa90.
Во аголот на подрумот на Ворм има и автомат со преку илјада игри. Овој апарат е украсен со графика во стилот на „Ninja turtles“. Ворм раскажува дека најмногу го сакал тој цртан филм, дека дизајнот го нацртал сам а омилен херој му е Донатело.
Во „рајот“ за манијаците по видео игри има и класик од ’90-те години Super Nintendo.
„Им го покажувам на децата и им викам: ’На ова јас играв во детството’ а тие ми се смеат и викаат: ’Многу е олд-скул ова. Сиромашна графика, две копчиња на џојстикот, екранот не е на допир“.
Додека траел разговорот, на видеото се гледа кренатиот ракав на Ворм под кој стои тетоважа со ликот на Мајкл Џексон. Холандскиот голман рекол дека тој е голем љубител на Мајкл и ја покажал целата тетоважа на десната рака.
Кога водителката на емисијата го прашала Ворм што мисли жена му за неговата опсесија со видео-игрите, тој вели: „Секако дека мисли дека сум будала. На тоа јас и викам дека таа сака облека и гардероба исто како јас видео игри“.
И стварно било така, дури и полудо кога ја покажале гардеробата на жена му.
Вертонген раскажал дека кога гејмерите од Тотенхем ќе седнат да играат, со нив доаѓа и Муса Дембеле но него не го интересира тоа и брзо си оди. Негова омилена тема биле биткоини.
***
Мишел Ворм има 34 години. Во 2011-та стана познат кога застана на голот на Свонси. Тогаш со овој тим чуда правеше Микаел Лаудруп со кого Ворм го освои Лига Купот и се врати во репрезентацијата на Холандија (15 настапи).
Во 2014-та преминал во Тотенхем каде стана замена за Уго Лорис. За четири години во лондонскиот клуб Ворм бранел на 10 премиерлигашки мечеви (0 сезонава), а вкупно во сите натпреварувања - 34 натпревари. Заработува околу 22.000 фунти неделно а неговиот договор истекува на крајот од оваа сезона.
