Освоено првото злато на Светското првенство во атлетика

Шпанскиот атлетичар Алваро Мартин може да се пофали како прв освојувач на златен медал во брзо одење на 20 километри на Светското првенство кое денес почна со задоцнување поради обилните дождови.

Новиот европски шампион Алваро Мартин до златото стигна на трката во брзо одење на 20 километри кои ги поминал за 1 час, 17 минути и 32 секунди што е најдобар светски резултат сезонава!

Второто место и сребрен медал му припаднаа на Швеѓанецот Персеус Карлстрем кој ја поминал целта седум секунди по Шпанецот Мартин, а бронзата му припадна на бразилскиот атлетичар Каио Бонфим кој поминал 20 км во брзо одење за 1:17.47.

Ова е првата дисциплина во која се доделени медалите на овогодинешното Светско првенство кое се отвори денес и ќе трае до 27 август.

Manos arriba, esto es un campeón del mundo. La prensa recibiendo a @Alvaroatletismo en zona mixta.

🙌🏽🙌🏽🙌🏽 #CORREDOR\ #Budapest2023 pic.twitter.com/WV9JJhsrCj
— CORREDOR\ (@soycorredor_es) August 19, 2023